L’otru día falé equí del asturianismu nos años de la II República y fixi abondoses referencies al procesu estatutariu que s’entamó nel añu 31 y qu’acabó dexándose pa prau por razones que nun pueo determinar dafechu; pero vimos qu’había una serie de fuercies nes qu’entamaba a espoxigar el biltu del asturianismu políticu. Y bien ¿Yera esa la so primer manifestación? Non, nin muncho menos, yá comentamos equí tamién la Constitución del Estáu Asturianu de 1883, pero entá hai otru eventu que fai falta reseñar y que pasó tamién bastante inalvertíu: El procesu estatutariu de los años 1918-1919.
Dalgunos de vós sabrán que nel añu 1918 se desató una intensa campaña catalanista a favor del estatutu autonómicu y que llegó hasta’l congresu de la mano de la Lliga Regionalista, conmoviendo’l panorama políticu español dende los sos mesmos pegoyos y esto nun ye desaxeración, pues les tentatives autonomistes de Cataluña desataron una fola de rexonalismu en toa España, y Asturies nun diba ser menos. Acompáñenme agora al traviés d’esti episodiu del nuesu pasau, otru de tantos qu’escaecimos.
Bien, primer un poco de contestu. Estos años, los caberos de la I Guerra Mundial o la so inmediata posguerra, son años de gran axitamientu y xaréu n’España, los años del plombu en Cataluña, el trieniu bolchevique, la fuelgona del 17, etc. y esos movimientos faen que’l réxime de la Restauración entame a esbarrumbase, abriéndose una posibilidá a la renovación del sistema políticu, polo que toles fuercies marxinaes de la oposición entamen a movese, ente elles el catalanismu. Nun escaezamos que 1917 ye tamién l’añu de l’Asamblea de Parlamentarios, pero ¿Qué pasa n’Asturies? Nel nuesu país la política taba tamién ferviendo, yá mentamos la fuelga del 17, disuelta a tiros pol exércitu. Tamién el Partíu Reformista esnidiaba daquella pa la oposición al réxime y de fechu participa activamente na Asamblea de Parlamentarios y nesi contestu Vázquez Mella ye espulsáu del Partíu Carlista y vuelve los sos güeyos a Asturies, convirtiéndose n’abanderáu del rexonalismu asturianu y fundando la famosa “Junta Regionalista del Principado”; demientres que Nicanor de las Alas Pumariño intentaba facer lo mesmo cola so “Liga Pro-Asturias”.
Fernando García Vela asoleya nel periódicu xixonés La Prensa a día 28 de xunu de 1921 un artículu desplicando la situación d’esos años, tituláu “La Diputación y el Regionalismo”; dexemos qu’él mos fale dende’l pasáu:
“(..) Hubo un tiempo en que se sentía en Asturias un vago temblor regionalista. Bosquejábanse cada mañana Comités, Juntas y Ligas para muy diversos fines, bajo los cuales una mirada atenta descubría el fenómeno único del regionalismo. Ensayábamos entonces unos cuantos a sacar a plena luz la oculta inquietud, absorber esa su informe vaguedad en un programa claro y constructivo y convertir lo que sólo era sentimiento confuso en conciencia y voluntad ¡Días aquellos en que algunos jóvenes, impregnados de la poesía de nuestra tierra, le pedíamos nos diera además una lección de energía y un principio para la acción!
Todos los partidos que a la sazón constituían la Diputación formularon su petición de autonomía, pero ninguno hizo nada para dar al antiguo organismo un rumbo regionalista y moderno. La libertad autonómica no se pide, se conquista día a día, iniciando, organizando, logrando. El movimiento autonómico se demuestra andando (…)” (Recomiendo llean l’artículu completu, ye mui aprovechable y, como puen ver, tamién mui actual).
N’efeutu, les reivindicaciones catalanistes foron la primera pieza’l dominó y pronto esi terremotu aportó a Asturies y toles fuercies polítiques de la oposición y hasta dalgunes que comulgaben col réxime, como los acólitos de Mella o Pumariño, entamaron a pidir l’autonomía y surdieron bien d’organizaciones rexonalistes, como la “Junta Asturiana de Fomento de Intereses Regionales” y, de fechu, en 1918 fórmase la Mancomunidá d’Ayuntamientos Mineros; antesala de lo que pudo ser y nun foi: la Mancomunidá Asturiana.
Y ye que realmente la posibilidá de que s’algamara l’autonomía n’aquellos años nun quedaba tan lloñe, yera una posibilidá real, como quien diz, y yá a día 18 de xineru de 1918 los diputaos provinciales del Partíu Reformista Cesáreo del Valle y Carlos de la Torre eleven a la Diputación una pitición d’autonomía (contradiciendo al cabezaleru del so partíu, Melquíades Álvarez, que en 1916 dixo nel Congresu “(…) resucitar en Asturias un regionalismo político, es pretender resucitar un cadáver” ¿A qué vos suena esto?).
Y un añu depués: Les bases pa l’autonomía aprobaes por unanimidá nel plenu la Diputación Provincial. Sí, nel plenu del día 18 d’avientu la Diputación d’Uviéu aprobó unes bases pa l’autonomía asturiana, repito, por unanimidá, Yeren unes bases daqué probes, quiciabes por eso s’aprobaron por unanimidá, pero significatives, tanto porque supón una afirmación de la personalidá política asturiana como porque a raíz d’ello (y seique polo probes que yeren) munchos ayuntamientos entamaron a facer comisiones y a plantegar les sos propies bases, y hai delles que resulten mui interesantes.
Siguiendo na mio llinia voi trescribir equí extractos de toes elles, entamando pola de la Diputación, pa qu’esos asturianos puean facer resonar la so voz al traviés del tiempu.
BASES PA L’AUTONOMÍA ASTURIANA APROBAES POR UNANIMIDÁ POR LA DIPUTACIÓN PROVINCIAL DE OVIEDO EL 18 DE DICIEMBRE DE 1918:
“Asturias, por su geografía, por sus Tradiciones y por sus Costumbres, por el amor ferviente de sus hijos tiene conciencia de su personalidad Regional indisolublemente unida a las demás regiones con quienes convive en la intangible unidad de la Patria Española y se considera con tanto derecho como cualquier otra Región a los beneficios de la Autonomía (…) Sólo aspira, por entender que con ello contribuiría a su prosperidad y al ansiado engrandecimiento de España y descargaría al Poder Central de cuidados que le agobian y le evitarían rozamientos y quejas que aquejan su prestigio, a una autonomía administrativa sobre las siguientes bases:
Primera. Ampliación de las facultades que la Ley Orgánica de provincias condece a las Diputaciones provinciales en cuanto interese de modo privativo a la Región Asturiana, sin que el Poder Público intervenga directa ni indirectamente en la adopción y ejecución de acuerdos de la Diputación regional mientras se mantenga dentro de los límites de la esfera administrativa y sean compatibles con la soberanía del estado”
Siguen unes bases que falen sobro l’hacienda rexonal y la última toca ún de los rasgos esenciales del asturianismu pre-Transición: el municipalismu.
“Quinta. Que para hacer efectiva la Autonomía Regional y vigorizar la vida local se otorgue la más amplia autonomía administrativa a los municipios emancipándolos de la tutela del Estado y de toda dependencia de los órganos del Poder Público reconociendo a los Ayuntamientos el libre ejercicio de sus funciones en cuanto afecta a los intereses peculiares de los pueblos y autorizándoles con amplias bases para la creación de sus haciendas”.
Como dixi enantes, ye bastante probe, mui centrada nel fechu alministrativu y nin siquiera establez la institución d’un muérganu llexislativu rexonal, pero sirve de puntu de partida pa otres propuestes. Ye’l primer pasu pa lo que vendría depués, un pasu tímidu, pero un pasu.
BASES ACORDAES POL AYUNTAMIENTU D’AVILÉS NA SESIÓN DEL 27 DE XINERU DE 1919
“1.ª La autonomía de los Municipios debe estar reconocida en las leyes del Estado, sin exceptuar la fundamental, debiendo provocarse a este fin una reforma constitucional que permita adaptar en legal forma las legítimas aspiraciones de los pueblos.
2.ª El reconocimiento de la personalidad regional, allí donde exista de un modo histórico y consciente, debe aceptarse por el Estado Central y por la simple petición de los Municipios autónomos, los cuales deber ser los que redacten su proyecto de estatuto, siempre que en él no se ataque la soberanía española, mas teniendo en cuenta también, que esta palabra soberanía debe entenderse únicamente en sentido jerárquico y la región ha de ser soberana en aquellas esferas que pertenecen a su vida interna.
3.ª La única limitación que podrá imponerse a la soberanía propia de la región, será la de una organización democrática, por lo menos en la medida que lo sea el Estado central, evitando así que el movimiento regionalista pueda ser un pretexto de reacción; y
4.ª Para determinar las materias de exclusiva competencia del Estado Central, deben convocarse a Cortes constituyentes, a fin de que todas las regiones españolas puedan organizarse bajo un pie de igualdad, tendiendo, en potencia, los mismos derechos al reconocimiento de su existencia.”
Yá vemos un plantegamientu más atrevíu, qu’anque reconoz la soberanía última española afirma tamién la soberanía asturiana nos sos aspeutos privativos, un plantegamientu mui federal, y vuelve a puxar poles llibertaes municipales, el caballu de Troya del asturianismu d’esos años, como yá dixi. En cuanto a la organización rexonal les bases nun son mui determinantes, pero “una organización democrática” implica la esistencia d’un muérganu electu y si la rexón ye soberana nos sos aspeutos privativos, como afirmen, esi muérganu tien de tener capacidá llexislativa. Los avances en contraposición coles bases de la Diputación son notables, anque les pontes de xunión tan bien clares tamién. Hasta onde me consta, l’Ayuntamientu d’Avilés taba controláu polos reformistes nesi añu.
BASES D’AUTONOMÍA MUNICIPAL Y REXONAL QUE PRESENTA LA COMISIÓN QUE PA DICHU OXETU FOI PLANTEGADA POL AYUNTAMIENTU DE LLAVIANA.
“(…) ESTATUTO REGIONAL
Partiendo del supuesto, aprobado por el Gobierno (…) coincidan (los conceyos) en la aspiración de solicitar una ley ordenadora de amplia autonomía provincial (…) la Comisión tiene el honor de proponer a ese Ayuntamiento la adopción de las bases siguientes:
1.ª
El gobierno y dirección de los intereses peculiares de la región de Asturias corresponderá primero a la Diputación regional, segundo a la Junta del Principado.
(Na desplicación qu’apaez tres los artículos dizse que siguiendo la terminoloxía de la Comisión extraparlamentaria, que nun tengo localizada, denominen “Junta del Principado” a lo que sedría la Diputación, ye dicir, el muérganu executivu, y “Diputación” a l’equivalente de la Xunta Xeneral, el muérganu llexislativu)
2.ª
La Diputación regional se compondrá de los diputados elegidos por elección popular en número de uno por cada Partido Judicial (…), doce con la representación de Ayuntamientos y tres designados por las Asociaciones residentes en la provincia, agrupadas en la forma siguiente:
1.º Patronal, propietaria, comerciante o industrial.
2.º Profesionales, artífices y obreros y
3.º Sociedades agrícolas y pesqueras.
3.ª
La Junta del Principado, compuesta por ocho diputados, se elegirá por la Diputación regional.
4.ª
Habrá en la provincia o Región un Gobernador que sin intervenir en el régimen y administración de las Regiones ni Municipios sea representate del Gobierno y corrija las extralimitaciones de los organismos regionales y Municipales.
5.ª
Si el Gobernador por sí o como delgado del Gobierno mediante alguna disposición menoscabase la autonomía regional o municipal, podrá entablarse recurso ante las Cortes y si no se hallaren abiertas, ante el Tribunal Supremo.”
Siguen artículos falando de l’hacienda rexonal, de los drechos de los ciudadanos y del fomentu de la beneficiencia y la instrucción pública por parte de la rexón, de los qu’hai que destacar los artículos diez y trece.
“10.ª Se procurará que en la reforma del Código Civil se incoropren determinadas costumbres jurídicas de derecho privado, cuidando asimismo de organizar certámenes que se dediquen a fomentar la agricultura, ganadería (…) y también el dialecto, para canto, baile y música del país.
Motivo
El gozar Asturias de un derecho consetuidinario, informe porque faltó quien lo recogiera, pudiendo decirse lo mismo del dialecto (…)
13.ª
Se establecerá en la capital de la Región un Tribunal compuesto de tres Vocales patronos, tres obreros y tres catedráticos de la Universidad que conocerá de las apelaciones impuestas contra los fallos de los jurados mixtos de los Partidos en las cuestiones que a éstos les incumban”.
Esta propuesta, de les que conozo la más estensa, ye mui destacable principalmente porque afirma la identidá política asturiana nos tres brazos del poder públicu: executivu, llexislativu y xudicial; glayando por una amplia autonomía que s’asemeya muncho nel so plantegamientu al estatutu de Sabino A. Gendín de 1932, que comentaremos otru día. Destacar, amás que faen mención al asturianu, qu’anque non en mui bonos términos ye la primer vegada qu’apaez reconocíu (hasta onde yo se) en testos d’esta triba, pues los estatutos posteriores nun lu menten nos artículos como tal y tampoco la Constitución del 83 (anque ye verdá qu’apaez nel prólogu d’esta última como llingua y non como dialeutu, diferencia importante a sorrayar).
Del ayuntamientu de Llaviana sé, polo que pueo lleer nel númberu del 12 de payares de 1917 d’El Noroeste que les eleiciones municipales les ganaron lo qu’ellos llamen “demócrates”, nome baxo’l que yo supongo a les fuercies republicano-socialistes. Anque Llaviana foi tamién ún de los llugares onde más caló la doctrina rexonalista, de fechu yá en 1916 constituyóse’l “Centro Instructivo Regionalista de Laviana”, de la llinia de Vázquez Mella. Al paecer (según el so manifiestu repartíu como fueya volandera), el segundu centru d’esi tipu depués del d’Uxu. Por ciertu, nesi mesmu manifiestu dicen qu’Asturies “reúne las variedades de una pequeña nación”.
PROYECTU D’AUTONOMÍA REXONAL PRESENTÁU POL AYUNTAMIENTU DE MIERES.
“LA AUTONOMÍA DE ASTURIAS.
(…) Asturias quiere tener tambiémn la dirección y responsabilidad de su propia vida interior, conduciendo sus energías por sí misma a la resolución de los problemas que en complejidad asombrosa la plantean su enorme pujanza industrial, el aumento de su riqueza y su creciente capacitación ciudadana.
Dentro de ese movimiento libertador que corre por toda España como reclamación apremiante de su vitalidad, amanazada siempre por el peso muerto del poder central, inútil y absorbente, que pone trabas a todos los anhelos regeneradores, no puede haber uniformidad más que en el fin. Los medios han de ser tan variados como varia es España; y Asturias ni quiere ni puede copiar de Cataluña el Estatuto de su autonomía.
Si Cataluña puede ser una nación, con su idioma y su derecho, Asturias fue la cuna de la fabla castellana, y dio a León y Castilla los primeros elementos para elaborar en la Historia una nacionalidad (…)
(…) no perdio ésta (Asturies) sin embargo, el gobierno de sus propios intereses, ni pasó a ser una colonia ni una provincia de la Corona de Castilla (…)
Tradicionalistas y revolucionarios pueden luchar unidos en esta obra común de emancipación, trabajando juntos para acabar con las oligarquías caciquiles que hicieron de Asturias, durante tantos años, botín de guerra (…)
(…) En Asturias han de ser los Municipios, realidad política y social, quienes por delegación de su soberanía, creen una representación regional, reconociendo a Asturias la vida que recibió de la Naturaleza y de la Historia, haciendo al pueblo asturiano un todo único, y dando a España, con el fuego encendido de sus amores, la posibilidad de un nuevo ideal de engrandecimiento por la federación y por la libertad (…)
Bases que pudieran servir para la autonomía de Asturias:
1.ª La Autonomía Municipal como base de la región (…)
2.ª Desaparición de la Diputación provincial. Constitución de una Junta General de Asturias, compuesta por delegados de los Ayuntameintos, y por representantes del pueblo asturiano elegidos por sufragio universal. Conveniencia, acaso, de dar dentro de ella representación corporativa a distintos organismos sociales, y libre acuerdo de la misma para formar una o dos Cámaras.
A su cargo las relaciones entre los Municipios y las Mancomunidades municipales; representación política de Asturias; relaciones con el Estado Nacional, fomento de los intereses comunes a todos los territorios municipales asturianos (…) Iniciativa y fomento de los intereses asturianos, y redacción y aprobación de Ordenanzas, Leyes o Estatutos de carácter general de la Región.”
Siguen dellos artículos más falando sobro l’hacienda y otres caxigalines, pero creo que l’extractu copiáu equí yá ye abondo pa ilustrar el tema que tamos tratando. Vemos equí un plantegamientu abiertamente federalista (nes bases del ayuntamientu de Llangréu faen referencia direuta al “inmortal patricio Francisco Pi i Margall) que fala d’un pueblu asturianu con soberanía propia, representada na Xunta Xeneral, anque soberanía nel so ámbitu privativu, subordinada a la común d’España, pero soberanía a fin de cuntes. Nun ye nacionalista nel sentíu de que nun reconoz p’Asturies la categoría de nación, y diz que l’asturianu ye’l padre del castellán, pero nun dexa de ser un primer pasu pa l’afirmación d’Asturies como ente nacional. Equí Asturies nun ye nación, pero sí tien personalidá propia, una personalidá inherente y que naide nun-y pue quitar.
Como antes observamos un fuerte municipalismu y, cosa interesante, hai un llamáu a la collaboración ente tradicionalistes y revolucionarios, o lo que ye lo mesmo, ente los rexonalistes de Mella y les fuercies progresistes de tendencia más federal o autonomista, n’esti casu los socialistes de Manuel Llaneza, que, nótese esto, yera alcalde de Mieres n’esi añu. Nun teo muncha información al rodiu de la rellación ente estes dos cares de la moneda del asturianismu, polo que nun voi facer xuicios agora al respectu, anque, como dixi, ye bien interesante.
Estos proyeutos, anque la Diputación insistió delles vegaes más nellos énte’l Poder Central (1923 y 1924) nun salieron alantre, cosa que nun mos ha d’estrañar considerando que nun salió siquiera’l de Cataluña, pero dexa patente que yá enantes de la II República yá había fuercies autonomistes d’importancia, quiciabes más de fechu. Cabe entrugase qué pasaría de salir alantre estes iniciatives d’estatutu, anque nun voi facer historia-ficción nesti artículu (magar que me prestaría).
Enantes de despidime vuelvo a afalalos a investigar al rodiu d’esti tema y a sacar del pozu del pasáu toos estos antecendentes, p’afirmar qu’Asturies ta viva y que nun ye un cadabre resucitáu, como diríen Melquíades Álvarez y otros munchos.
(La mayor parte de la bibliografía d’esti artículu son los testos espublizaos nel artículu “Regionalismo Asturiano: Textos para su Historia (*)” de Bernardo Fernández Pérez, que salió en “Los Cuardenos del Norte”, la revista cultural de la Caxa d’Aforros d’Asturies, nel so númberu 4).
