Nin ta ambientáu n’Asturies, nin hai comunistes, nin tampoco espíes… …o non que se sepa. El segundu xuegu de rol n’asturianu, qu’asoleya tamién la editorial Ediciones Radagast, va ser el xuegu de rol oficial de la novela d’Orwell 1984. Trátase d’un “survival sicolóxicu” nel que los xugadores van ponese na piel de ciudadanos y ciudadanes de la Oceanía de 1984 y van tener que “doblepensar”, falar la “nuevafala”, consiguir fuxir de la Policía del Pensamientu y, en xeneral, sobrevivir nel país del Hermanu Grande. El nuevu xuegu de rol d’Ediciones Radagast algamó 4.542€ nel verkami que duró dende’l 5 d’ochobre hasta’l 14 de payares.
Un xuegu que nun ye pa tolos públicos
El xuegu, foi’l casu de Depués d’Ochobre, va salir tanto n’asturianu como en castellán y va distribuyise en toa España con un PVP de 35€. Los mecenes van poder consiguilu 5 euros más baratu a lo llargo de los 40 díes que dura’l crowdfunding en verkami (hasta’l 13 de payares). Amás, 1984:Thoughtcrime va salir tamién n’inglés, pos los heriedes del escritor inglés concedieron a Radagast la llicencia p’adaptar al rol la popular obra de George Orwell .
1984:Thougthcrime (pararcrime n’asturianu) llévanos a la Oceanía del Hermanu Grande y ponnos na piel d’un ciudadanu o ciudadana d’aquella dictadura. La versión n’asturianu de la novela d’Orwell editóla Ediciones Trabe y ye una traducción de Xesús González Rato, quien fixo tamién otres traducciones como Momo o, más recientemente, La Hestoria Inacabable, tamién con Radagast.
La nuevafala y los recuerdos: les principales innovoaciones
El xuegu de rol presenta dos grandes innovaciones en rellación al esquema de los xuegos de rol más habituales. D’una banda, en cuenta d’emplegar puntos d’esperiencia, 1984:Thoughtcrime usa un sistema de “recuerdos”. Estos recuerdos tán basaos en fechos marcantes que-yos pasaron a los personaxes primero o a lo llargo de la partida, y que-yos dan modificadores positivos o negativos a les carauterístiques o, tamién, ventayes y desventayes. L’adquisición de recuerdos ye’l mou en que los personaxes pueden dir evolucionando nel xuegu.
La otra innovación de Thoughtcrime ye la “nuevafala”. La capacidá (optativa, dende llueu) pa poder roliar cola deformación del inglés que discurrió Orwell pa llimitar el pensamientu astrautu. La nuevafala fíxose de tal manera que fore fácil de deprender y d’usar. Los xugadores van poder falar una versión del asturianu simplificada na que van poder tener problemes a la hora de
