El próximu dieciséis de xunu estrénase The Flash, la película nueva del Universu DC y que va tresformalu dafechu pa nun volver nunca a ser el mesmu. La película, envuelta na polémica tanto polos cambeos que tán asocediendo na planificación de les películes de la compaña, asina como polos problemes llegales d’Ezra Miller, quien encarna al personaxe protagonista, va llegar por fin a los cines.
La película adauta la saga de cómics Flashpoint, na que Flash viaxa nel tiempu y crea un universu alternativu nel que so ma sigue viva, pero descubre qu’esa nun ye la única consecuencia. Asina, vamos poder ver la vuelta de Michael Keaton como’l Batman d’esti universu (amás d’a Ben Affleck), tamién la de Michael Shannon como’l General Zod (villanu de The Man of Steel) y a Sasha Calle como una nueva Supergirl.
Podéis ver l’avance sotituláu n’asturianu na nuesa canal de YouTube, namás calcando equí.
