Y siguimos sotitulándovos n’asturianu avances de les películes más esperaes, nesta ocasión la esperadísima tercer entrega de Guardians of the Galaxy, el superequipu más disfuncional del Universu Cinematográficu Marvel.
Pa esta prometen, amás de la épica y l’humor tan propios de les anteriores, la primer apaición de personaxes clásicos de los cómics como’l superhéroe artificial Adam Warlock (interpretáu por Will Poulter) y el villanu al estilu de Doctor Moreau, High Evolutionary (interpretáu por Chukwudi Iwuji), lo que va permitir afondar nel orixe del carismáticu Rocket Racoon. Y si tolo demás na película suena a despidida ye porque los planes pa la franquicia son d’anovar el grupu con otra fornada de personaxes nuna posible cuarta entrega, conque nun podemos aseguravos que la final d’esta nun va facenos empapiellar.
Conque más nada, podéis ver l’avance sotituláu calcando equí.
