Les coses en xineru taben fresques, como cuando amanez y ta too rosao, pero ves que’l sol mariello despunta per una esquina y promete calor. Podía una respirar lixera porque tamién sabía lo que desvelare el BOPA tiempu atrás: diben facer esámenes d’asturianu. Como los papeles protagonistes de les películes d’aventures, sentíemos que díbemos facer hestoria.
Lo que pasó dempués sabeislo yá, ¿non? Meses de confinamientu en tolos cortes y declinaciones posibles, siempre entre’l “carpe diem” y el “too va salir bien”. Probes inocentes. Con eses seguimos.
Sicasí, pudimos facer el B2. Poques gracies. Y como en Refuelgu/Llar de Llibros tenemos munches coses (pero non vergoña), vamos facer una llista d’eses guapes que tanto lo peten en fin d’añu colos meyores llibros n’asturianu que lleímos, de cara tamién al primer esame del MCER.
Tenemos munches ínfules, táis avisaos. Y queremos que téis en vilu hasta’l final, asina que les opiniones sobre la colecha lleutora queden pa otres entregues.
NOTA: esta llista nuesa de Bablelia nun xerarquiza nin demoniza la lliteratura n’asturianu, pero nun tán tolos xéneros que son o qu’habríen ser, nin munchu menos toles autores nin tola xente mozo. Sabemos que táis aende.
- La Rexenta [La Regenta], Leopoldo Alas Clarín. Trad. Víctor Suárez. Saltadera (2018).
- La hora de la estrella [A hora da estrela], Clarice Lispector. Trad. Antón García. Trabe (2000).
- Little Babilonia, Pablo X. Suárez. Saltadera (2018).
- Obra completa, Enriqueta González Rubín. Trabe (2009).
- 1984, George Orwell. Trad. Xesús González Rato. Trabe (2019).
- Orfandá, Marta Mori. Trabe (2019).
- Hibernia, Xaime Martínez. Saltadera (2017).
- Cuentos de ser y de tar, Laura Marcos. Trabe (2017).
- Allumamientu, Pablo Texón. Trabe (2019).
- La fía de Vercinxetórix [La fille de Vercingétorix], R. Gosciny y A. Uderzo. Trad. María Xosé Rodríguez. Salvat (2019).
- La peste [La peste], Albert Camus. Trad. Miguel Moro Vallina y Beatriz R. Viado. Ámbitu (2014).
- En primera persona, José Ángel Gayol. Trabe (2019).
- P’anular los adioses, Lourdes Álvarez. TREA (2018).
- Cartes nel horru (y delles hestories más), Inaciu Galán. Cuatro Gotes (2020).
- El llibru póstumu de Sherezade, Raquel F. Menéndez. Impronta (2017).
- La colomina 36, Nicolás Bardio. Trabe (2020).
- Obra completa n’asturianu, Nené Losada Rico. Trabe (2014).
- Muestra lliteraria, Andrés Solar. Ed. del Norte (2004).
