En mayu de 2021 llegónos la triste noticia de que Miura Kentarō, creador del famosu manga Berserk, finaba con namás que cincuenta y cuatro años. Ello llevó, amás, a alderiques sobre si’l mercáu del manga sobreesplotaba a los sos autores, yá que la cantidá d’hores de trabayu, la falta de vacaciones y los plazos d’entrega paecieron tener muncho que ver cola causa de la muerte.
N’otru orde de coses, sí ye verdá qu’a esto s’amestó otra pena pa los llectores de Berserk, y ye que, tres los trescientros trenta y siete capítulos del seinen, que s’estrenó en 1989 y ta recopiláu en cuarenta tomos, los aficionaos quedaben ensin conclusión pa la saga.
Por embargu, en Xapón ye vezu que los autores tengan un estudiu darrera, principalmente ayudantes que se dediquen a los fondos, les trames gráfiques… Y, agora, Studio Gaga va siguir la serie ensin Miura, pero con Mori Kōji (Holyland) a la cabeza. ¿Y por qué esti autor? Pos porque yera un bon amigu de Miura, y polo que se ve estiy contó lo que diba pasar na serie nos capítulos vinientes, y tien dellos bocetos de personaxes que taben por salir.
Y asina, esti diecinueve de setiembre vuelva Berserk a la revista xaponesa Young Animal, que presenta’l capítulu 374 de la serie.
