La fantasía, de xéneru de “cuatro friquis” nos años 90 a xéneru hexemónicu en 2020 depués de superproducciones como “Los Aniellos de Poder” o “Xuegu de Tronos”; ensin escaecer otres munches más. Lo cierto ye que la fantasía tuvo munchísimos cambios a lo llargo de les últimes décades y ye xustamente neso no que se centra esti nuevu episodiu del Bonu, el Feu y l’Alien. Xon de la Campa, Nicolás Bardio y Adrián Carbayales analicen en clave occidental y asturiana la situación de la fantasía anguaño.
Apúntense les posibles causes del trunfu y el desendolcu que cabría esperar amás de, cómo non, l’impautu que tuvo y tien la fantasía nes lletres asturianes: ¿Sabíes que la fantasía ye’l xéneru narrativu con más publicaciones no que va de 2022?
Equí l’episodiu:
