Buffy the Vampire Slayer foi una d’eses series que marcó a millones de fans en tol mundu, y estos recuérdenla entá con ciñu. El so entemez d’aición, horror, drama, comedia y romance adolescente tuvo un ésitu tremendu, y cuando acabó dexó como legáu la pondera Angel, una montonera de cómics y el deséu de munchos de qu’un día volviera. Bono, pos Buffy en sí mesma, la que ye Buffy, nun vuelve (Sarah Michelle Gellar tien dicho que yá acabó colSiguir lleendo
Alone in the Dark ye una saga importantísima d’horror, masque lleven una barbaridá d’años ensin sacar una entrega. El primeru de toos, de fechu, ye yá de más de tres décades, de 1992, y sedría difícil imaxinar que sedría de los xuegos d’horror y sobrevivencia ensin él, pos la so influyencia n’otres sagues agora más famoses, como Resident Evil (del que la primer entrega salió en 1997) ye bien evidente. Quiciabes tuvo que ver con ello l’adaptación fallida a películaSiguir lleendo
Nuna entrevista a Independent acabante salir del fornu (que podéis lleer calcando equí), el prolíficu direutor Tim Burton señaló’l peligru que tienen les imáxenes creaes por intelixencies artificiales pa la producción d’animación, categoría cinematográfica de la que tien realizao unes cuantes películes. De fechu, sintióse mui ofendíu cuando’l portal Buzfeed espublizó un artículu nel qu’amosaben como sedríen delles princeses Disney de faceles él mesmu (lo que tamién podéis ver calcando equí). Sobre ello, declaró lo siguiente: “¡Tuvieron una IA faciendoSiguir lleendo
Rotten Tomatoes ye’l portal de referencia no que son les reseñes de crítica y públicu, onde los medios de comunicación van primero pa saber si una película presta o non a la xente, y qu’amás munchos usen pa decidir qué película dir a ver al cine o escoyer entre l’abondante catálogu en streaming. Por embargu, agora la credibilidá de la páxina queda seriamente en dulda, porque Vulture (tenéis la noticia orixinal calcando equí) acaba de descubrir una trama turbia naSiguir lleendo
Ye una posibilidá na que la productora ta trabayando, y polo que se ve (ye un rumor, pero del que tán faciendo ecu páxines de gran relevancia) ta habiendo yá negociaciones col direutor de películes como Inception, Interstellar o la más recién Tenet pa que lleve les riendes de la p´roxima película de James Bond (la primera n’informar d’ello foi ActioNews, y podéis lleer la noticia orixinal calcando equí). Y ye que Christopher Nolan tien dicho yá de tiempu loSiguir lleendo
Ayeri, ocho de setiembre, principió la campaña de Verkami pa sacar alantre’l xuegu de cartes La Guerra La Xoya, tanto n’asturianu como en castellanu. Nes partíes van poder participar de dos a seis xugadores, yá seya de manera individual o n’equipos, encarnando caún una de les trés faiciones en guerra. El mecanismu sedría asemeyáu al del clásicu xuegu de cartes del “culu”, como adelantra l’autor Pablo M. Testa nel portal La Montera Solitaria (podéis velo vós mesmos calcando equí), peroSiguir lleendo
En mayu de 2021 llegónos la triste noticia de que Miura Kentarō, creador del famosu manga Berserk, finaba con namás que cincuenta y cuatro años. Ello llevó, amás, a alderiques sobre si’l mercáu del manga sobreesplotaba a los sos autores, yá que la cantidá d’hores de trabayu, la falta de vacaciones y los plazos d’entrega paecieron tener muncho que ver cola causa de la muerte. N’otru orde de coses, sí ye verdá qu’a esto s’amestó otra pena pa los llectoresSiguir lleendo
Tienen retrasao la salida del xuegu pa que nun lu pisen otres grandes estrenes que salíen mui siguío, pero yá queda poco más d’un mes pa que tengamos ente manes (nun sentíu metafóricu, pos namás va tener edición dixital) el xuegu pol que llevamos esperando trece años. Alan Wake 2 llega y promete una nueva hestoria d’horror de la que vamos ser los sufridores protagonistes. Y nesta ocasión falamos en plural porque tenemos un personaxe nuevu, l’axente del FBI SagaSiguir lleendo
Ye tradición entregar nes Xornaes de Cómic d’Avilés los famosos Premios de la Crítica Dolmen, que la revista homónima da a los meyores cómics del añu. Por embargu, está edición (que van trescurrir ente’l doce y el dieciséis d’esi mesmu mes) les coses tán complicándose. Y ye que David Rubín, autor que cola so obra nueva, Fuego, consigue nada menos que trés nominaciones (meyor obra, meyor guión y meyor dibuxu) anuncia en redes que renuncia a toes elles como protestaSiguir lleendo
La película orixinal ye nada menos que de 1960, pero la que más recuerda la xente ye’l remake de 2001. Y nun ye porque fuera mui bona, nin porque tuviera un gran ésitu en cines. Quiciabes foi’l diseñu bastante orixinal de les pantasmes lo que quedó grabado nes cabeces, que per otra parte agora se ven como mui a la moda de la época. El casu ye qu’agora ta en desendolcu una serie de televisión que va adautar Thirteen Ghosts,Siguir lleendo
