Elencu de primera pa Super Mario: En 2017 ficieron una película d’animación de Super Mario, que por unes coses o por otres nun peracabaron endagora. Pos resulta que la selmana pasada anunciaron un repartu de voces bien llamaderu, ente les que s’alcuentren Chris Pratt (Guardians of the Galaxy) como Super Mario, Anna Taylor-Joy (The Queen’s Gambit) como la Princesa Piescu y Jack Black (Goosebumps) como’l malváu Kuppa. Poques gracies, esta noticia disparó les especulaciones en redes sobre cómo se veríenSiguir lleendo

Don Pelayu, La Santina (anque seya un ser divinu que poco o nada tien que ver con Asturies), Fernando Alonso… Estos suelen ser les rempuestes más comunes a la entruga “¿Qué asturianos famosos conoz?” y si hai suerte dalguna persona equí y allá nomará a Xovellanos, Rafael del Riegu o a Severo Ochoa, pero munches personalidaes que ficieron grandes coses por esti país cantábricu o que llucharon por él escontra los vientos del destín queden somorguiaos na llamuerga del escaezu,Siguir lleendo

Apuerta’l “Batmanversu”: Acercándose la estrena de la película nueva de Batman, con Robert Pattinson nel papel de Bruce Wayne, lleguen noticies de que tán tresnando dellos spin-offs en forma de serie pa HBO Max. Una sedría sobre’l Pingüín, y tamién lu encarnaría, como na película, Colin Farrell. Otra, Gotham Central, sobre los policíes de la ciudá, y sedría una especie de precuela a mou d’Añu ún del caballeru escuru. Serie de Grendel: Nun nos referimos al personaxe de Beowulf, sinonSiguir lleendo

La serie de televisión foi’l númberu ún de Netflix, magar qu’anda rulando per redes un corréu electrónicu, de va unos años, nel qu’aseguren al autor del cómic que naide nun querdría ver una serie sobre un neñu-venáu. Y ye que yo pertaría d’alcuerdu con tala afirmación si lo que teníen na cabeza yera la hestoria d’esi neñu-venáu, escrita y dibuxada por Jeff Lemire pa Vertigo, el sellu p’adultos (yá fináu) de DC. Y ye que, anque la llinia argumental yeSiguir lleendo

En xunetu falábemos del Metrópoli Fest, que se repartió en distintos espacios de Xixón, y que supunxo un preludiu d’otra convención que taba por tornar: la Cometcon. Magar que pudimos esfrutar d’una Cometcon al entamu de setiembre del añu caberu con una distribución repartía per dellos espacios de Xixón, toos tábemos naguando por una Cometcon asemeyada a la que se facía n’Uviéu antes del coronavirus, y podemos dicir qu’esta nun defraudó (y dafechu yera enforma más grande). La Cometcon 2021Siguir lleendo

Nes décaes caberes venimos siendo testigos d’una medría bultable de les recreaciones históriques en tol mundiu, tamién equí na nuesa tierra, Asturies. Y estes recreaciones nun se llenden namás a ciertos espacios históricos, sinón que lleguen a toles dómines, dende l’Antigüedá, centrándose sobre manera nel Imperiu Romanu, hasta entamos y mediaos del sieglu XX. Por exemplu l’asociación Frente del Nalón recrea’l teatru asturianu de la Guerra Civil. Inclusive hai grupos de recreación (especialmente en países como los Estaos Xuníos) qu’aportenSiguir lleendo

Serie de Fallout: La selmana pasada falábemos de qu’El Señor de los Aniellos nun yera la única saga importante de la qu’Amazon taba preparando una serie, ando pa estrenar una de The Wheel of Time. Bono, pos resulta que tamién anden desendolcando una serie del nomáu videoxuegu posapocalípticu, producida por Jonathan Nolan, guionista d’unes cuantes películes del so hermanu Christopher (Memento, Interstellar, The Dark Knight) y Lisa Joy, cocreadora de Westworld. Prometemos cuntavos más cuando lo anuncien. David Tennant, JekyllSiguir lleendo

Esti 2021, magar ser un añu impar, foi añu de Xuegos Olímpicos porque por aciu del coronavirus nun pudieron facese en 2020. Con delles restricciones, los Xuegos de Tokyo 2020 tán acabantes de celebrase, con delles allegríes pa España. Sicasí, güei nun venimos a falar de los Xuegos Olímpicos d’esti añu: vamos falar de los Xuegos Olímpicos antiguos, l’orixe de los que facemos anguaño y que teníen delles diferencies (y tamién delles semeyances) a los nuesos. Los Xuegos Olímpicos antiguosSiguir lleendo

La nueva normalidá ta faciendo que tean volviendo les actividaes qu’impliquen un númberu significativu de xente, y una mena importante son los conciertos musicales. Con más o menos midíes de seguridá, tamos teniendo la oportunidá de volver a escuchar música en direutu y sofitar a ún de los sectores más castigaos pol aciu del coronavirus. Tuvimos dellos exemplos equí n’Asturies dientro, por exemplu, del Metrópoli Fest, o’l conciertu d’Aitana nel Centru Niemeyer n’Avilés (del que les midíes de seguridá fueronSiguir lleendo

La lluna escontra la tierra: Roland Emmerich, el direutor conocíu polo que-y presta afarar ciudaes nes películes (como n’Independence Day, na Godzilla de 1998, en The Day After Tomorrow o en 2012) vuelve a la carga en Moonfall, película del xéneru “estrozu” que tien como premisa, como yá podréis maxinar, que la lluna sal d’órbita y vien pa escontra la tierra. Halle Berry ye l’actriz protagonista, encarnando una ex-astronauta que sabe cómo salvar la humanidá (podemos albidrar que nun entamuSiguir lleendo