Pola mor del gran aumentu que ta habiendo de la lliteratura de xéneru n’asturianu, la organización del Celsius 232 decidió anguaño dedica-y una seición específica esti primer día del festival. Les actividaes que güei, martes 18, van tener llugar en “Celsius fala n’asturianu” son les siguientes:
17:00 a 17:30:
Presentación de l’antoloxía steampunk L’´horru de vapor, cola presencia de los autores Abel Martínez, Adrián Carbayales, Ana Pereira, Aníbal González, Kai C. Torel y Xon de la Campa, acompañaos pol coordinador y autor Nicolás Bardio (Carpa d’Actividaes)
17:50 a 18:10:
Presentación de la novela La Vieya, ganadora del II Premiu Radagast, col so autor Aique Fernandi, acompañáu de Blanca Fernández (auditoriu de la Casa de Cultura).
18:10 a 18:40:
Presentación de les noveles No que cinca los seres de lleenda y El cartafueyu d’Alquimia, de Blanca Fernández, acompañada por Aique Fernandi (auditoriu de la Casa de Cultura).
18:40 a 19:00:
Presentación de la novela La bastarda de Pelayu, de Xon de la Campa, acompañáu d’Helena Seoane (auditoriu de la Casa de Cultura).
19:00 a 19:40:
Alcuentru Conociendo los grandes nomes de la lliteratura fantástica n’asturianu, col autor Adolfo Camilo, acompañáu de Blanca Fernández (auditoriu de la Casa de Cultura).
19:40 a 20:00:
Presentación de la novela Vikingos 2035, d’Abel Martínez, acompañáu d’Helena Seoane (auditoriu de la Casa de Cultura).
20:00 a 20:20
Presentación de la novela ¡Espetaos! Una invasión escentellada, de Susana Sela, acompañada de Blanca Fernández (auditoriu de la Casa de Cultura).
Amás de too esto, a les 20:50 van tar na Carpa d’Actividaes los organizadores de l’AsturCON; Dam Fernández, Adrián Carbayales y Xon de la Campa, falando del eventu de lliteratura fantástica asturiana que dende l’añu pasáu y, indefinidamente, va celebrase a finales de tolos años. Como siempre, con una presentación billingüe.
Tocántenes a les demás actividaes, son abondes, y asina tamién hai, por casu, dos exhibiciones d’esgrima antigua (12:00 y 17:00), la presentación de la saga Vampiros Luminish d’Ana Blanco Bartolomé (18:30) o la de los populares llibrinos Miniclandestinos de la editorial Orpheus (19:00). Dexámosvos el programa enteru calcando equí.
