SkyShowtime acaba llegar al nuesu país con una ufierta tremenda: si te soscribes agora pues pagar namás 2’99 euros al mes pa tola vida, en cuenta de los 5,99 euros que van tener de pagar los demás. Por embargu, tán surdiendo quexes de xente a lo que-y cobren los 5,99, y ye que la ufierta esta tien un truquín: namás val pa los que se soscriben al traviés de la app (disponible en Google Play Store y App Store) o pela páxina skyshowtime.com, non pa los que lo faigan dende’l televisor o de dalguna otra manera.
La posibilidá d’acoyese a esta ufierta dura hasta’l 25 d’abril, y en teoría (anque, de toles maneres, habría que ver la lletra pequeño), al contratar el serviciu d’esta manera vas pagar la metá siempre que nun te deas de baxa, nun pudiendo ampliase la ufierta a una segunda soscripción.
Tamién hai otru tipu de quexes sobre’l conteníu, como que prometíen xubir la comedia Frasier y pelo menos de momentu nun ta accesible.
Skyshowtime ye una canal nueva de streaming qu’entra nel yá saturáu mercáu con un conteníu bastante competitivu (del que yá falemos va unos díes equí). Veremos cómo se desendolca la tremenda guerra de canales que tamos viviendo, y por supuesto vamos contávoslo nesti portal.
