Como yá vien siendo vezu, l’AsturCon sigue anunciando en redes, dosificando con ún al día, los temes de los que se va aldericar nes sos meses y los ponentes que van facelo. Depués d’anunciar les meses de la mañana del sábadu 2 d’avientu, La rebelión de les máquines y En busca’l manuscritu perdíu, ayeri anunció la que sedría la primera de la tarde, ¡Dame mitos!
L’autor y agora tamién editor de Quanta Media, Dam Fernández, va moderar esta mesa na que se va falar de la bayura de la mitoloxía asturiana y de cómo incorporar esta, o dalgunos de los sos elementos, a les hestories qu’escribimos. Pa ello, van acompañalu l’autor y editor de Radagast Nicolás Bardio, la premiada autora Blanca Fernández Quintana y la debutante Ana Pereira, toos ellos con noveles nes que reinterpreten los mitos asturianos dándo-yos una vueltina (como ye con Del llau del nigromante del primeru, No que cinca los seres de lleenda de la segunda y l’acabante salir del fornu Bederre de la tercera).
Recordámosvos qu’esta segunda edición de l’AsturCon, Alcuentru de Fantasía Asturiana, va celebrase estos 2 y 3 d’avientu nel Antiguu Institutu Xovellanos, Xixón.
