Crunchyroll, la mayor plataforma de streaming d’anime, acaba d’anunciar nel NYC Anime una montonera de series nueves que tien preparaes pa 2023. ¡Vamos contavos de qué van!
Watashi no Yuri wa Oshigoto Desu! / Yuri is My Job!
Yuri ye una mocina qu’empieza a trabayar nuna cafetería onde les camareres se faen pasar por alumnes d’un internáu. Hai una compañera de trabayu, Mitsuki, que-y gusta muncho… Lo malo ye que Mitsuki nun la soporta a ella. Pues ver l’avance d’esta comedia romántica basada nel yuri de Miman calcando equí.
Koori Zokusei Danshi to Cool na Douryou Joshi / The Ice Guy and His Cool Female Colleague
El descendiente d’una muyer de la ñeve (ser mitolóxicu xaponés) trabaya nuna oficina. Cuando azora escápase-y xelar oxetos que tien alredor, pero la compañera de la que ta namoráu nun paez decatase d’ello. Pues ver l’avance d’esta serie de comedia, romance y fantasía basada nel josei de Tonogaya Miyuki calcando equí.
Death Mount Death Play
Un héroe llexendariu consigue vencer a un dios nigromante… Por embargu, a hestoria acaba d’empezar, porque’l villanu se reencarna nun rapaz. ¿Qué nos espera a partir d’ehí? Un montonáu d’aición, eso de xuru. Pues ver l’avance d’esti anime, basáu nel seinen de Narita Ryohgo y Fujimoto Shinta calcando equí.
Rōgo ni Sonaete Isekai de 8-Man-Mai no Kinka o Tamemasu / Saving 80,000 Gold In Another World For my Retirement
Itsuha ye una rapaza que recibe’l don de viaxar ente esti mundu y otru de fantasía, y decide que la meyor manera d’aprovechalu ye vivir y aforrar perres nos dos pa poder xubilase lo primero posible. Esti anime ta basáu nuna serie de noveles llixeres de Funa, y podéis ver l’avance calcalndo equí.
AYAKA
Esti anime ye orixinal, ensin basase en nengún manga o novela llixera, y trata d’un güerfanu qu’un día atopa un discípulu de so pá, que lu lleva al so llugar de nacencia y descúbri-y coses estraordinaries sobre’l so orixe. Pues ver l’avance d’esta serie, del creador de K, calcando equí.