El xuegu d’entrugues y respuestes d’Acuto Xuegos consiguió’l 100% de la financiación que precisaba, algamando los 4.500 € en namás 9 díes de los 40 que tien de duración una campaña de mecenalgu en Verkami. D’esti mou, yá ye oficial que’l primer xuegu de mesa n’asturianu p’adultos verá la lluz esti añu y distribuiráse nuna montonera de tiendes de xuegos y xuguetes de toa Asturies.
El xuegu cuenta con 600 entrugues en 100 tarxetes y los autores dieron anuncia de que diben aumentar la cantidá si la financiación yera suficiente. Polo qu’agora, cada nueva venta nel verkami (que siguirá abiertu los prósimos 31 díes) contribuirá a enantar el xuegu yá grande en sigo mesmu.
