La desendolcadora catalana de videoxuegos Petoons Studios acaba presentar fecha pa Curse of the Sea Rats, un videoxuegu sacáu per aciu de campaña de micromecenalgu del soxéneru metroidvania (nomáu asina por ser Metroid y Castlevania los fundadores, y que consiste nun xuegu non llinial de plataformes 2D y aición).
El xuegu, que por fin va salir esti seis d’abril pa PC, Playstation, Xbox y Nintendo Switch (nes consoles tamién con una edición física) preséntanos un mundu con estilu de dibuxos animaos y ambientación “histórica”, yá que, sacante la custión de que los protagonistes seyan rates humanoides, tolo demás ta como si fora la segunda metá del sieglu XVIII. La verdá qu’al ver los gráficos, y el fechu de que’l protagonista seya un colonu del Nuevu Mundu, faen imposible qu’a quien tenga yá una edá nun-y recuerde a la mítica película de los ochenta, An American Tail.
Si vos interesa, podéis ver ún de los avances calcando equí.
