El ventitrés de payares (fecha de salida nos EEXX), Marvel estrena una nueva serie abierta del universu Star Wars, esta col mayor maestru jedi nunca habío como protagonista. Al guión ta Cavann Scott, ún de los arquiteutos del nuevu universu espandíu de la saga (tres el borráu del antiguu col pasu a manes de Disney) y a los llápices el cordobés Nico León, conocíu sobre manera pol so trabayu en She-Hulk y Ms. Marvel.
La serie va tar ambientada ente les dos triloxíes orixinales, con Yoda exiliáu nel planeta Dagobah hasta que siente un gritu d’ayuda al Conseyu Jedi, yá desaniciáu, y al que más naide qu’él pue responder. Y como una imaxe val más que mil pallabres, dexámosvos darréu con una güeyada al interior del primer númberu que Marvel asoleya pa ponenos los dientes llargos
