Disney anuncia que ta en desendolcu la tercer parte de la mítica saga, según dicen llamada TRON: Ares. Tando confirmao que Jared Leto va protagonizala, cuenten que yá tán avanzaes les negociaciones pa que la dirixa Joachim Rønning (Pirates of the Caribbean: Dead Men Tell No Tales y Malificent: Mistress of Evil). Cuenten que Disney quier la película pa lo primero posible, col envís de reiniciar la historia col envís de crear una gran franquicia, y que la intención ye empezar a rodala esti mesmu branu. Nun se tien confirmao si Jeff Bridges, Garett Hedlund o Olivia Wilde van repetir nos sos papeles.
TRON, la película orixinal, ye una obra de ficción científica na qu’un programador s’introduz nun ordenador pa enfrentase ellí a una intelixencia artificial malina. Estrenada en 1982, foi un fracasu nos cines y dexóse nel escaezu hasta años dempués, cuando se convirtió en película de cultu y consideróse adelantrada al so tiempu. En 2010 estrenóse la segunda parte, TRON: Legacy, que caltuvo la so estética pecuñar pal ciberversu y na que repitió Jeff Bridges, consiguiendo un ésitu moderáu.
