La plataforma de conteníu online n’asturianu PlayPresta ta acabante de llanzar na so web y redes sociales el xuegu nuevu, Caxellu, que desenvolvieron y que yá ta disponible nel siguiente enllaz: https://caxellu.playpresta.com/. La propuesta trátase d’un xuegu nel qu’hai que combinar siete lletres pa formar pallabres y ye una adaptación del popularizáu xuegu del New York Times, Spelling Bee.

La iniciativa, que llega agora a Asturies gracies a PlayPresta y Cuatro Gotes Producciones, ye un ésitu n’otros llugares del estáu, como Cataluña, onde’l lleva’l nome de Paraulògic y rexistró cifres que fixeron que los servidores colapsaren en dalgunos momentos. Los datos de parLcipación siguen medrando, y ye que en dalgunos díes de les fiestes de Nadal, el xuegu llegó a cifres d’ente 120.000 y 137.000 persones, lo que dexa bien claro l’ésitu que tuvo y que
sigue teniendo.

Un equipu con collaboración de l’ALLA

La creación del xuegu na so versión n’asturianu foi trabayu d’un equipu dirixíu por Inaciu Galán, cola xestión dixital a cargu del informáticu Óscar David Colorado Espina y col diseñu gráficu, basáu na idea del xuegu como un caxellu d’abeyes y de l’abeya Olaya como símbolu, pol reputáu ilustrador Enrique Carballeira. Amás, cuntaron cola collaboración de los creadores de la versión catalana del mesmu. L’Academia de la Llingua Asturiana collaboró tamién
apurriendo’l corpus del diccionariu normativu de la insLtución, que ye la base na construcción de pallabres.

Les normes del xuegu esixen formar pallabres coles lletres del caxellu, siete, pueden repitise y que se renueven cada nueche a les doce, pa dar entamu a un xuegu nuevu. La lletra del caxellu del mediu ye d’usu obligatoriu en toles pallabres que se faigan, qu’han tener un mínimu de trés lletres.

De los verbos almítense namás los infiniLvos (non les formes conxugaes). De los nomes y axetivos almítense les formes asculines, non les formes femenines y neutres, nin los plurales, pel momentu, anque l’equipu ta trabayando p’ameyorar esta opción. Nun s’almiten nomes propios; namás pallabres que tean dientro del Diccionariu de la llingua asturiana de l’Academia de la Llingua Asturiana (DALLA).

Actualizaciones diaries

Pa recoyer “la collecha de puntos”, les pallabres de 3 lletres dan 1 puntu, les de 4 lletres, 2 puntos y de magar les 5 lletres, tantos puntos como lletres tenga la palabra. Cada xuegu inclúi lo menos una ‘corga’ na que s’usen toles lletres y con cada corga’l xuegu date 10 puntos estra. El términu “corga” provién del ámbitu de l’apicultura y fai referencia a la canLdá de miel que se saca al capar o cortar un caxellu.

El xuegu ta disponible de baldre y adáptase perbién al usu dende’l móvil, permitiendo volver sobre’l xuegu a lo llargo del día y facer por consiguir toles pallabres posibles. Pa Inaciu Galán, coordinador de Caxellu: “esta ye una oportunidá d’ufrir un xuegu interesante y formaLvu a la sociedá, que pensamos que va ser mui bien recibíu ente toles edaes, especialmente na mocedá, amás de ser una ferramienta interesante pal usu nos centros
educaLvos yá qu’unu recuerda y deprende pallabres mientres xuega
”.

Leave a Reply

La to direición de corréu nun va espublizase.