Acaba de ponese a la venta’l nuevu Evil Below, tanto pa PC como pa Playstation 4, un videoxuegu de producción portuguesa que ganó yá en 2020 el Premiu a Meyor Xuegu de los Playstation Talents.
Trátase d’un videoxuegu de sobrevivencia y horror en primer persona, con mundu semiabiertu, nel que controlamos una muyer que, tres d’un accidente de coche, ha enfrentase a amenaces sobrenaturales nun mundu estrañu, altravesando viesques, pueblos y cueves poblaes de creatures monstruoses pa tratar de salvar al so fíu y averiguar qué ye lo que ta pasando. Les ferramientes pa enfrentase a elles son namás l’inxeniu pa resolver cosadielles (per aciu de, ente otros medios, el micrófonu) y armes con munición escaso.
Ta yá a la venta en Steam y la PlayStation Store, con voces disponibles en castellanu y en portugués ente otros idiomes, y podéis ver l’avance calcando equí.
