¿Películes de Digimon?:
La serie ñació al rau de Pokemon, pero foi a consiguir una montonera aficionaos que quieren más. Agora, cola compra de Fox por parte Disney, esta fíxose tamién colos drechos de la franquicia, y cunten que yá ta preparando una película d’aición real y CGI. Nun paez coincidencia que la noticia surda n’anunciando Netflix una serie de Pokemon, pos la guerra ente canales de streaming sigue diendo a más.
Coses de Stephen King:
Acabante d’estrenar Chapelwaite, una precuela de la novela de vampiros de Stephen King, lleguen noticies de l’adautación nueva de la mesma, de la que Lewis Pullman (fíu de Bill) va ser el protagonista. L’escritor, mentanto, diz que quier escribir una novela sobre l’andanciu de Covid-19, asitiada en 2020, pero que ta siendo tou un retu da-y l’enfoque apropiáu.
Torna Nosferatu:
Y paez qu’esta selmana la cosa va de vampiros, porque tamién tenemos l’anunciu d’un remake del clásicu alemán Nosferatu. Anque la película fíxose como una versión non autorizada de Drácula, foi a consiguir un güecu na hestoria’l cine y marcó una estética del vampiru mui pecuñar. La versión nueva va tar dirixida por Robert Eggers (The Witch) y esti vuelve a poner a Anya Taylor-Joy, la que paez ser la so actriz favorita, nel papel protagonista.
