Serie de Fallout:
La selmana pasada falábemos de qu’El Señor de los Aniellos nun yera la única saga importante de la qu’Amazon taba preparando una serie, ando pa estrenar una de The Wheel of Time. Bono, pos resulta que tamién anden desendolcando una serie del nomáu videoxuegu posapocalípticu, producida por Jonathan Nolan, guionista d’unes cuantes películes del so hermanu Christopher (Memento, Interstellar, The Dark Knight) y Lisa Joy, cocreadora de Westworld. Prometemos cuntavos más cuando lo anuncien.
David Tennant, Jekyll nuevu:
Peacock (canal de streaming de NBC) ta faciendo una serie qu’adautará de nueves El Dr. Jekyll y Mr. Hyde de Robert Louis Stevenson, con nada menos que David Tennant (Doctor Who, Broadchurch) como protagonista. Esti va facer d’un periodista al que escuerren por ver lo que nun tenía de ver, fasta la cosa acabar nun “accidente” que lu convierte en dalgo más qu’humanu.
Matrix Resurrections:
¿Qué tovía nun vieres el traile de la cuarta película de Matrix? Coime, si va unos díes que nun falen d’otra cosa. Bono, sí, tamién de que’l Thor del God of War nuevu ta gordu, que nun marca abdominales, como si los viquingos nun supieren d’exercicios isométricos. Bono, a lo que díbemos; que, por si nun nun visti’l traile de Matrix, tiéneslu equí.
