Apuerta’l “Batmanversu”:
Acercándose la estrena de la película nueva de Batman, con Robert Pattinson nel papel de Bruce Wayne, lleguen noticies de que tán tresnando dellos spin-offs en forma de serie pa HBO Max. Una sedría sobre’l Pingüín, y tamién lu encarnaría, como na película, Colin Farrell. Otra, Gotham Central, sobre los policíes de la ciudá, y sedría una especie de precuela a mou d’Añu ún del caballeru escuru.
Serie de Grendel:
Nun nos referimos al personaxe de Beowulf, sinon al señor del crime amazcaráu del cómicnoirde Matt Wagner. Ye Netflix la canal que ta desendolcándola, y Abubakr Ali (Katy Keene) va facer de Hunter Rose, escritor nomáu pel día y asesín en busca de venganza pela nueche.
Películes que vienen:
Yá tenemos un traile curtín (que pues ver equí) de la nueva Paranormal Activity, saga de “metraxe atopáu” que, anque va perdiendo fuercia, debe resultar codalosa polo barata que ye la producción. Nesta ocasión, como podemos ver, paez ambientada n’interior d’una comunidá relixosa de les que refuguen la teunoloxía moderna. Tamién tenemos ún traile de la nueva de Guillermo del Toro (equí) qu’esta vegada paez dexar les coses sobrenaturales de llau p’adautar la novela Nightmare Alley, yá llevada al cine en 1947. Y, yá pa dientro de más tiempu, anuncien que tán desendolcando una continuación de la comedia ochentera Twins,na que Danny DeVito y Arnold Schwarzenegger repetiríen papeles y Tracy Morgan fadría de tercer hermanu.
