Más cases de papel:
Masque acabante terminar una les series más populares de Netflix, paez que tovía va haber Casa de Papel pa ratu, pos amás de la versión coreana, que van estrenar en 2022, anuncien una pondera de la serie orixinal con Berlín como protagonista pa 2023. D’esta tovía nun sabemos muncho, pero de la coreana yá hai direutor y repartu, ente los que s’alcuentra Park Hae-Soo (Squid’s Game) como Berlín.
Nicolas Cage ye Drácula:
La película nueva de Blumhouse de la que yá falemos, Renfield, centrada na hestoria del siervu de Drácula, yá tien quien faga del míticu vampiru, y ye nada menos que Nicolas Cage. Esta va ser la segunda película onde Blumhouse adauta los monstruos clásicos de la Universal, siendo la primera The Invisible Man (2020). Del mesmu Renfield va facer Nicholas Hoult (la Bestia nes últimes películes de X-Men), y el direutor ye Chris McKay (The Lego Batman Movie, The Tomorrow War).
Series anovaes:
Netflix anueva la serie animada Arcane, basada nel videoxuegu League of Legends, talamente como Syfy la del moñecu conxuráu Chucky. Per otru llau, Cara Delevingne xúnese al repartu d’Only Murders in the Building pa la segunda temporada, faciendo cuadrar el rodaxe col de la tercera de la eternamente atrasada Carnival Row.
