Fina la escritora Anne Rice:
L’autora de les llamaes Cróniques Vampíriques, ente les que s’alcontraben la nomada Interview with the Vampire qu’adautaron al cine nos noventa, finó pola mor d’un infartu cerebral. Anque menos conocíes, tamién escribiera sagues nes que daba la so visión d’otros monstruos clásicos, y ta pa salir una serie televisión que va adautar de nueves les noveles más famoses.
Cowboy Bebop, otra suspensión d’escopetazu:
Y ye que namás que pasaron diez díes dende la estrena la serie qu’adauta l’anime pa que Netflix anuncie que nun va haber segunda temporada. Súmase asina a otres grandes apuestes pa 2021 que nun superen una temporada, como tamié foron Y: The Last Man, Lovecraft County, Jupiter’s Legacy o Cursed.
Marvel Studios critica los Premios Oscar:
Paez qu’al presidente de Marvel Studios, Kevin Feige, nun-y sienta bien que Shang-Chi and the Legend of the Ten Rings nun tea ente les películes favorites pa los premios más importantes de Hollywood, yá que critica qu’hai un siesgu de xéneru pol que dexen pa prau les películes de Marvel. Anque la verdá ye qu’esto ye malo de defender cuando Black Panther llevó trés premios de siete nominaciones.
Yá vien la tercer película de Fantastic Beasts:
Queda bien poco pa que salga The Secrets of Dumbledore, la tercer película de la pondera de Harry Potter que protagoniza’l “maxizoólogu” Newt Scamander. Ye la primer película de la saga que nun guioniza Rowling a cencielles, y va tar ambientada a entamos de la Segunda Guerra Mundial. Si queréis ver el traile tenéislu acabante salir del fornu equí.
