Feria, serie española d’horror:

En poco va salir esta serie de tonos lovecraftinos y un aire a 30 monedas,na que dos hermanes siguen nicios d’asesinatu que les empobinen a descubrir una secta malina qu’adora monstruos. Ye creación d’Agustín Martínez (La caza) y Carlos Montero (Élite), y va poder vese en Netflix a partir del ventinueve de xineru. Si queréis ver qué pinta tien, acaba de salir el traile y tenéislu equí.

Xuegu del xibión pa ratu:

Apocayá comentábemos que Netflix yá convenciera al creador de Squid Game, Hwang Dong-hyuk, pa una segunda temporada, pero paez que la cosa nun va quedar solo ehí. Esti cuenta que tamién ta pensando nuna tercera, y rúxese que tamién anden pensando en delles ponderes, como sedría una película d’animación. Nun suena esparatao, pos lo mesmo ta pasando últimamente con otres series de Netflix, como son The Witcher o La casa de papel.

Más universu superheroicu de Sony:

La estrena de Spider-Man: No Way Home y l’apaición nesta de les encarnaciones anteriores del home-araña traxo xuncíu un argayu rumores sobre la vuelta d’estos pa películes o series propies. A ellos amiéstase agora que paez ser que Sony quier a Anya Taylor-Joy como la lladrona-heroína Black Cat, y tamién qu’Emma Stone repita como la moza de Peter Parker, Gwen Stacy, anque nesta faciendo de Ghost-Spider, la versión d’un mundu alternativu onde l’araña la pica a ella.

Leave a Reply

La to direición de corréu nun va espublizase. Los campos riquíos márquense con *