Película de He-Man y los Masters del Universu
Ye un proyeutu del de que va abondos años que falen y paez que nunca nun llega a bon puertu. Por embargu, agora pinta que’l vientu ye por fin favoratible, pos l’ésitu de la serie de Netflix afaló a la canal a facese colos drechos. Y nun ye yá solo eso, ye qu’amás yá tienen direutores, los hermanos Aaron y Adam Nee (The Lost City) a David Callaham (Shang-Chi) a cargu’l guión y a Kyle Allen (West Side Story) como protagonista.
Espansión de L’Incal
L’Incal ye una de les sagues de BD (cómic de tradición francófona) más importantes de la historia, sinón la que más, anque nun ye mui conocida pol gran públicu. Por embargu, paez qu’esto nun va tardar en cambiar, pos Taika Waititi, el direutor de Jojo Rabbit o Thor: Ragnarok, ta trabayando nuna adautación al cine. Quiciabes ye por ello qu’anuncien la espansión del universu con trés noveles gráfiques nueves que, con otros autores, estrelles del cómic norteamericanu, van enantar el complexu universu creáu por Jodorowsky y Moebius. Los títulos presentaos son Psychoverse (de Mark Russell y Yanick Paquette), Dying Star (de Dan Watters y Jon Davis-Hunt) y Kill Wolfhead (de Brandon Thomas y Pete Woods). La iniciativa llámase The Incal Universe, y la idea ye espublizar estes obres ente 2022 y 2023. Poques gracies, nun escarten que la cosa vaiga a más.
Anime de Bastard!!:
Y volvemos de nueves a Netflix, porque anuncia, por sorpresa, una nueva serie animada que va adautar el clásicu del manga Bastard!!. Si nun conocéis la obra, que s’espublizó dende 1988 y hasta nada menos que 2010, ye una hestoria de fantasía escura pa públicu adulto, con abondes referencies al heavy metal y que ye la obra más importante del mangaka Hagiwara Kazushi. L’estudiu al cargu de l’animación ye Lidenfilms, el mesmu que’l de la polémica serie de Tokyo Revengers.
