Serie de Fallout
LLa saga mítica de videoxuegos, ambientaos nun futuru posnuclear y con toques retro, va tener una serie de la mano d’Amazon Studios, que ta apostando por facer poques series pero con unos presupuestos bárbaros. Los productores van ser Jonathan Nolan (guionista de munches de les películes del hermanu, Christopher Nolan) y Lisa Joy (cocreadora de Westworld). El proyeutu ta tovía dando los primeros pasos, conque tovía nun sabemos nada del repartu o si se basara en dalgún de los xuegos en particular.
Vuelve Ringu:
El clásicu de los noventa que punxo de moda l’horror xaponés, y qu’ente continuaciones, versiones norteamericanes y un cruz con Ju-On tien yá una docena películes, vuelve esta seronda con una continuación nueva, Sadako DX. Tovía nun se sabe si dalguna distribuidora va echala nos cines de pequí, o va comprala dalguna canal, pero si la rapaza asoma per dalgún pozu vamos avisavos, de xuru.
Marvel faise colos drechos de Wild Cards:
Nun ye una saga tan conocida como Game of Thrones, pero George R. R. Martin editó y coescribió una antoloxía d’hestories ambientaes nun mundu superheroicu, y de la qu’hai nada menos que venticinco noveles y un bon puñáu de rellatos sueltos. Va unos cuantos años que falen d’adautala, primero a película y llueu a serie, masque la cosa nunca nun llega a nenyuri. Mentanto, Marvel acaba facese colos drechos pa espublizar cómics de la saga, lo que tamién pue afalar a facer más coses con ella. Eso sí, pel momentu solo van sacar una miniserie, escrita por Paul Cornell (Batman and Robin, Black Widow: Deadly Origin) y dibuxada por Mike Hawthorne (Deadpool, Daredevil).
