Película nueva d’Alien
A la serie en desendolcu pa Disney Plus súmase agora una película nueva de la franquicia, producida pol creador d’esta, Ridley Scott, y dirixida por Fede Álvarez (Evil Dead, Don’t Breathe). La idea ye estrenala direutamente en Hulu, canal de la que Disney, propietaria actual de Fox y por tanto de los drechos d’Alien, ye tamién accionista mayoritaria.
Avance de series:
Per un llau tenemos un primer vidéu de la serie nueva de Star Wars, la protagonizada por Ewan McGregor de nueves nel papel d’Obi-Wan Kenobi y qu’asocede unos años enantes de la triloxía orixinal. Si queréis podéis velu equí. Per otru, HBO anuncia una nueva serie británica qu’entemez horror y comedia, creada por Siân Robins-Grace (Sex Education) y que trata d’una madre con un nácaru permalváu. Protagonízala Michelle de Swarte (The Duchess) y yá podéis ver el traile calcando equí.
State of Play, milenta videoxuegos nuevos pa Playstation:
Si tienes la Playstation 4 o 5 tas de suerte, porque nel State of Play anunciaron xuegos a esgaya colos que de xuru que lo vas pasar estupendo. Si quies ver los trailes acabantes d’estrenar pues calcar en caún de los títulos siguientes: Ghostwire: Tokio, Returnal: Ascension, Forspoken: Worlds Collide, JoJo’s Bizarre Adventure: All Star Battle R, Exoprimal, Valkyrie Elysium y Teenage Mutant Ninja Turtles: The Cowabunga Collction.
