Vuelve Monkey Island:
Como yá anunciemos l’otru día (equí) esti mesmu añu vamos tener un videoxuegu nuevu de la mítica aventura gráfica Monkey Island, y va ser en manes del creador Ron Gilbert. Cuenten que va ser una continuación direuta de Monkey Island 2, conque por fin vamos entender qué ñarices pasó nesa final tan desconcertante. Si nun viereis el teaser tanina, tenéislu calcando equí.
Tamién vuelve The Crow:
El nomáu cómic indie, tráxicamente conocíu porque Brandon Lee (fíu de Bruce) finó de manera non dafechu clara rodando l’adautación al cine, tamién va volver, nesta con una adautacióin nueva na que Bill Skarsgard (el payasu d’It) va facer el papel del vengador resucitáu. La direición ye de Rupert Sanders (Snow White & the Huntsman) y el guión de Zack Baylin (King Richard). Tamién sabemos van empezar a rodala en branu con un presupuestu de cincuenta millones, que nun ta nada mal.
Proyeutu nuevu del creador de Squid Game:
Hwang Dong-hyuk anuncia que ta pa facer una pelicula basada nuna novela d’Umberto Eco, que tien por nome K.O. Club (Killing Old People Club) y de la qu’asegura que va ser enforma más polémica y sangronienta que la serie (de la que ficimos una reseña que pues lleer equí). Por embargu, paez ser que tovía vamos tener d’esperar, porque primero va sacar la segunda temporada d’esta.
