Fola d’acabaciones na CW
La canal americana paez querer anovar tola programación, porque lleguen noticies sobre que terminen un bona montonera de series de les que la mayoría son de xéneru. Pa la temporada que vien quedamos ensin Batwoman, Legends of Tomorrow, Charmed, Roswell, In the Dark, Naomi y el reinicu de 4400, estes dos últimes tres durar namás una temporada. Eso sí, por supuestu, tán preparándo otres pa sustituyiles, como son la precuela de Supernatural o otra pondera del universu DC na CW, Gotham Knights.
Coses que vuelven:
La obra d’Alan Moore y Kevin O’Neill, The League of Extraordinary Gentlemen, tuvo yá una espantosa adautación al cine en 2003. Agora anuncien que Hulu ta preparando una película nueva, y promete que quier caltener el tonu de los cómics, munchu más escuru y satíricu que’l de l’adautación. Habrá que ver. Per otra parte, la película que va trayer de vuelta al superhéroe de serie B, el Vengador Tóxicu, encarnándolu Peter Dinklage, sigue alantre, y recibe la calificación R por un montón de coses non aptes pa rapazos, lo qu’indica que nun va tar mui lloñe de la versión orixinal. La estrena ta planiada pa esti mesmu añu.
