La editorial avilesina de xuegos de rol y mesa consiguió, en poco más de dos díes, financiar en Kickstarter la nueva edición en castellanu del xuegu de carreres posapocalíptiques. Como yá vos comentábemos l’otru día (podéis velo calcando equí) el xuegu consiste en simular carreres de coches armaos al estilu de Death Race (pa lo que puen usase cochecinos de xuguete que se tengan per casa) col oxetivu de sobrevivir y, a la final, consiguir un billete a Marte de solo dir.
Agora que la editorial tien consiguío los siete mil euros necesarios pa sacar el xuegu adelantre, lo único que queda pa les dos selmanes que queden ye dir lliberando recompenses estres coles que recompensar a los mecenes, como puen ser marcadores de metacrilatu con diseños grabaos.
Si vos interesa financiar el xuegu tovía tais en tiempu, y namás tenéis de calcar equí pa echa-y una güeyada y escoyer la opción que más vos preste.
