El revilvamientu que ta produciéndose na franquicia dende que Netflix estrenó la serie de Kevin Smith, Masters of the Universe: Revelation, llega agora a los cómics con una serie curtia de Dark Horse, Masters of the Universe: Masterverse, ambientada na mesma continuidá que Revelation… anque pinta que solo nun comienzu, porque prometen l’apaición d’otros “He-Men” d’otros universos, pelo menos, como podemos ver na portada, el de la otra serie d’animación de Netflix que se dirixe a los más pequeños, He-Man and the Masters of the Universe.
Al guión ta Tim Seeley, quien yá llevara los personaxes nel cruz colos personaxes de DC, Injustice vs. Masters of the Universe, y al dibuxu del primer númberu tán nada menos que Sergio Aragonés, Kelley Jones y Eddie Nuñez. Anuncien tamién que pa númberos vinientes van tener tamién autores del altor de los españoles Víctor Santos y David Rubín.
El primer númberu sal en febreru de 2023, y dexámosvos colo que yá vezu, delles portaes alternatives pa la estrena.
