Los Game Awards 2022 tráyenos abondes noticies sobre videoxuegos, pero si una rescampla ye l’aspeutu del videoxuegu nuevu del héroe salíu de los infiernos, Hellboy: Web of Wyrd. El míticu personaxe creáu pa cómic por Mike Mignola en 1993, y del que yá tienen sacao ponderes, trés películes d’aición real y dellos videoxuegos, vuelve a les consoles con un estilu que dexa plasmáu.
Paeciendo sacáu de les mesmes páxines ilustraes Mignola, per aciu d’un cel shading o “solombriáu de celuloide” qu’imita los dibuxos animaos, da la impresión de que cualesquier pantallazu de avance podría colar como una viñeta de los cómics, talamente como vos mostramos darréu y como podéis ver vós mesmos más embaxo, nel vidéu qu’enllazamos. El propiu Mignola ta involucráu nel desendolcu del xuegu, y eso abulta nel resultáu.
Hellboy ye, por si daquién nun lo sabe, un medio demoñu invocáu siendo ñeñu por ocultistes nazis, cola ayuda de Grigori Rasputin, pero dempués criáu por una axencia secreta norteamericana que llucha escontra seres sobrenaturales, y de la qu’anguaño ye axente.
Per aciu de series curties en cuenta d’una llarga (como ye vezu nos personaxes de cómic), Dark Horse sigue espublizándose hestories del personaxe, davezu con Mike Mignola a los llápices.
Y ensin más, dexámosvos col avance del videoxuegu que, si duldáis sobre si vais poder xugar, nun habéis esmolecevos, porque va salir pa PC, Nintendo Switch, Playstation 4 y 5 y Xbox One y Series X/S. Podéis ver calcando equí.
