A partir de güei, y hasta’l ventisiete d’abril, podéis participar na nueva campaña de micromecenalgu de la editorial avilesina HT Publishers, mayor referente de xuegos de rol d’Asturies.
Interface 3.0 ye una ambientación pal xuegu de rol xenéricu Savage Worlds, el más famosu y xugáu del mundu (polo que ye preciso tener el manual básicu d’esti pa xugar). Nesti casu, l’ambientación ye d’estilu cyberpunk; esto ye, un soxéneru de ficción científica que presenta una próxima sociedá distópica, na que les empreses mangonien los Estaos pa que faigan les coses a los sos deleres. L’aición del xuegu asítiase nel añu 2095, cuando la realidá aumentada permite que toos tean coneutaos a la Rede Global de Datos, pero tamién val como guía de xéneru, pa que pueas diseñar un mundu cyberpunk propiu: ún más ochenteru al estilu de RoboCop, quiciabes dándo-y un aire solarpunk, con teunoloxía verde y más optimista, o inclusive, a cencielles, da-y un toque cyberpunk a otres ambientaciones que yá tengas o creares.
Pues participar yá mesmo na campaña, o echa-y una güeyada, calcando equí. Y, si quies saber más de la editorial, dexámoste equí l’enllaz a la so páxina.
