Ken Levine, el creador de la famosa saga de videoxuegos Bioshock, revela’l primer avance del nuevu videoxuegu del so estudiu, Ghost Story Games. El títulu d’esti ye Judas y alcontrámonos énte un shooter en primer persona con un gran componente narrativu y elementos de xuegu de rol.
Nel xuegu vamos controlar una tripulante d’una nave interestelar a puntu de desintegrase, y que polo tanto ha buscar urxentemente cómo sobrevivir a la destrucción inminente… Lo que, poques gracies, nun va ser nada cenciello.
Masque entá nun tenemos fecha d’estrena, yá sabemos que va salir pa PC, Playstation 5 y Xbox Series X/S. Asina que, esperando más noticies al respeutive, dexámosvos como siempre col avance, que podéis ver calcando equí.
