La CometCon, el mayor certame friqui d’Asturies xunto col Celsius 232; axunta a cantidá de representantes del llamáu “ociu alternativu”. A lo llargo d’una fin de selmana van socedese charres, conferencies, talleres de manualidaes, partíes de rol, campeonatos de videoxuegos y de cartes y bien de coses más nun eventu que ta yá afitáu como ún de los más destacaos d’Asturies.

Recopilamos como guía’l programa del eventu que va desendolcase a lo llargo del vienres 2, sábadu 3 y domingu 4 de setiembre nel Pabellón de la Feria de Muestres de Xixón.

Vienres:

Sábadu:

Domingu:

La lliteratura asturiana, como pasare col Celsius, va tar bien representada a lo llargo del festival. El vienres a les 17h00 va presentase la traducción al castellanu del llibru más emblemáticu del añu, “La Rexenta contra Drácula” d’Adrián Carbayales. A esa mesma hora Blanca Fernández Quintana y Nicolás Bardio van participar xunto con Pablo Sotos, direutor de la Laboral Ciudá de la Cultura y Rotor Studio nuna conferencia sobre cómo la fantasía y la ciencia ficción pueden afectar a l’Asturies del futuru. Esta mesma nueche, a les 20h00, va facese en direuto’l podcast “El bonu, el feu y l’alien” a les 20h00 nel escenariu principal, a cargu d’Adrián Carbayales, Andrés Fernández, Nicolás Bardio y Xon de la Campa. El domingu, los mesmos autores del podcast fadrán una conferencia sobre lliteratura asturiana col nome de “Monstruos, hosties y gochaes nes lletres asturianes”.

Leave a Reply

La to direición de corréu nun va espublizase.