Como últimu alderique de los planificaos por AsturCon, Convención de Fantasía Asturiana, la organización tiennos preparáu ún sobre la creación de mundos fantásticos, nel que los autores convidaos van desvelanos secretos sobre cómo echen arriba los suyos.
Tiberio, fundador de la editorial especializada en rol, HT Publishers, va llevar una mesa con autores de primera, como son Yosune Álvarez, autora d’Amazona: La talla del bastón y de la novelina ambientada nel mesmu mundu, La canción de Tair. Otru convidáu ye Dani Sierra, autor de la novela de fantasía Erdevaile, la so segunda parte, Los hijos del Grifo y de novelines d’a duru nes que s’adientra na ficción especulativa. La mesa zárrala Andrés Fernández, autor n’asturianu ganador del Enriqueta González Rubín de 2022 con una ucronía, y que con solo venti años yá publica la so cuarta novela, La última batalla del capitán Fierro, de venta esclusiva na AsturCon.
L’alcuentru va dase los díes dos y trés d’avientu nel Antiguu Institutu Xovellanos, Xixón.
