Nun principiu, la idea yera facer una serie del personaxe míticu de Star Wars, con Donald Glover sustituyendo a Billy Dee Williams como yá fizo en Solo. Asina, contaríennos una historia allugada ente esta última y The Empire Strikes Back, primer película na que salió’l yá naquella alministrador de Ciudá Ñube.
Por embargu, ye de suponer que, en parte pola decisión de Disney de dexar de sobreesplotar tanto les sos franquicies más importantes (Star Wars y l’Universu Marvel), echando’l frenu pa que dexe de perdese la so maxa, y en parte porque la fuelga d’actores y guionistes tien parada tola industria, y asina tien tiempu de sobra pa replantegar tolo que ta faciendo, Lando va pasar a ser una película. Y ye que, claro, colos presupuestos que gasten últimamemente nes grandes series pa les plataformes de streaming, al altor del de les películes, pero con munches más hores de duramientu, paez más prudente la decisión de facer una cosa más modesta de dos hores que de, pelo menos, seis. Amás de que, asina, paez probable que puean adelantrar el llanzamientu, y empezar a cubrir los güecos que va dexar la fuelga.
Poca más sabemos de Lando, que ta en manes de Justin Siemen (Hunted Mansion) y poco más. Nu tenemos sinopsis asoleyada, y tampoco sabemos si van salir otros personaxes yá conocíos o, quiciabes, Billy Dee Williams como la versión vieya de Lando en dalgún flashforward.
