La editorial xixoniega Duermevela Ediciones acaba sacar a la venta Noches de Navidad, una antoloxía especial que, como nun podía ser d’otra manera con esi nome, ye una llectura mui apropiada pa les feches que vienen. Nella, ocho autores de fantasía reinterpreten los cuentos clásicos con hestories “infestaes de maxa y sabiduría antigua, de bruxes, aldees perdíes y reinos remotos”.
Les autores de los distintos relatos, ente les que s’alcuentren nomes consagraos y voces nueves, son (n’orde alfabéticu) Patricia García-Rojo, Ester León, Laura S. Maquilón, Virginia Orive de la Rosa, Sofía Rhei, Marina Tena Tena, Susana Vallejo y Rocío Vega.
Duermevela Ediciones ye una editorial independiente asturiana fundada en 2020 que busca trespasar les llendes de la fantasía tradicional y esplorar puntos de vista más plurales y diversos, lo qu’hasta agora facía con traducciones d’autores como Neon Yang, Zen Cho o Phenderson Djélí Clark. Si queréis saber más de la editorial y echar una güeyada al so catálogu, dexámosvos l’enllaz calcando equí. Tamién tienen nesta un preview coles primeres páxines de Noches de Navidad, que tamién vos dexamos equí.
