Magar que tamos a puntu de llegar a Navidaes, ye agora que Lego anuncia un montonáu de sets nuevos de Harry Potter que nun vamos poder comprar a les correnderes (yá seya pa los fíos o pa nós mesmos) porque van facenos esperar por ellos hasta marzu de 2023. ¿Y en qué consisten? Pos per un llau tenemos los cuartos comunes de les cuatro cases, en forma de puertes desplegables pa formar les parés de la sala. Nos EEXX yá tienen fixáu’l preciu de 34,99 $ caúna, nun sabemos tovía por cuánto van llegar acá. Per otru llau, van salir tamién la prueba somarina del Tornéu de los Trés Magos (44,99 $), y la Sala de los Menesteres (49,99 $).

Los primeros sets de Lego Harry Potter salieron en 2001 al empar que la primer película, lleguen yá a les docenes, y hai dos videoxuegos qu’adauten la saga a la so manera tan pecuñar.

Dexámosvos coles imáxenes de los escenarios con toles figures incluyíes.

Leave a Reply

La to direición de corréu nun va espublizase. Los campos riquíos márquense con *