Ediciones Radagast pon yá en preventa El xuegu d’Ender, traducción al asturianu a cargu de Xesús G. Rato de la clásica novela d’Orson Scott Card. Nesti yá clásicu de 1985, la Tierra lleva xeneraciones siendo atacada pola raza alieníxena de “los Bichos”, unos seres asemeyaos a les formigues pero intelixentes como los humanos. Andrew «Ender» Wiggin ye un rapaz qu’entrena na Escuela de Batalla pa enfrentase a ellos, per aciu d’unos xuegos de guerra que van consiguir desendolcar el potencial que tien escondíu y que, quiciabes, -y permita llegar a ser un comandante de la Flota Internacional que llogre vencer a los Bichos de forma definitiva.
El xuegu d’Ender ye ún de los clásicos más famosos de la ficción científica moderna, ganador del Premiu Nébula (1985) y el Premiu Hugo (1986). L’autor escribió otres cinco noveles ambientaes nel mesmu mundu, y esta adautóse a película, videoxuegu y cómic.
Si vos interesa y nun sois quien a esperar, podéis precompralu calcando equí.
