Va tiempu yá que son abondantes les ponderes de Doctor Who, anque les más d’elles en formatu de drama radiofónicu. Por embargu, dende que Disney entró como productora de la mítica serie anda falándose d’un “amarvelamientu” de la franquicia, del envís de tresformarla nun universu compartíu de series y películes qu’aprovechen tol tresfondu construyíu a lo llargo de décades de viaxes pel tiempu y l’espaciu. Agora, cola vuelta de Russell T. Davies como showrunner, el Mirror (enllaz a la noticia orixinal equí) anuncia que tán yá preparando una serie centrada nos mayores villanos de la serie, los Daleks y los Cybermen. Otres fontes apunten a que nun ye exautamente asina, sinón que se trataría d’una antoloxía con hestories de villanos de la serie en xeneral.
La temporada nueva de Doctor Who, con Russell T. Davies de nueves al mandu y Ncuti Gatwa estrenándose nel papel de Doctor, va salir a partir de finales de 2023.
