Añu a añu, asina quiximos facer un llistáu que – por desgracia – nun ta completu de toles noveles n’asturianu que s’escribieron dende la primera que conocemos, d’Enriqueta González Rubín: “Viaxe del Tíu Pachu el Sordu a Uviedo” hasta les más recientes.

Naguamos por facer una recopilación de toles noveles que s’asoleyaron n’Asturianu dende l’entamu hasta ayeri pela tarde. Por eso esti artículu vamos dir agrandándolu y actualizándolu tolos 23 d’abril si la situación lo permite.

*ATENCIÓN: ¿Nun atopes dalguna novela? Nun duldes n’unvianos un corréu a redaicion@refuelgu.com y dicinos les que falten. ¡Agradecémostelo!

Sieglu XIX (1)

1875: “Viaxe del Tíu Pachu el Sordu a Uviedo”, d’Enriqueta González Rubín

Sieglu XX (49)

Años 30 (1)

1935: La molinera de la Llosaya, César Rubín**

Años 80 (15)

1980: Montesín, María Xosefa Canellada.
1982: Les llamuergues doraes, Miguel Solís Santos.
1983: Ñublu de mar y de distancia, Carlos Rubiera.
1984: Fontenebrosa: El reinu de los Silentes, Vicente García Oliva; La muerte amiya de nueche, Xuan Xosé Sánchez Vicente.
1985: El trunfu prietu, Miguel Solís Santos.
1986: Añada pa un güeyu muertu, Adolfo Camilo Díaz
1987: El viaxe, Antón García; De Corinto de Grecia, Xilberto Llano.
1988: El cai nunca duerme, Xosé Nel Riesgo; Pequeña lloba enllena d’amor, Adolfo Camilo Díaz; Diariu d’Enol, Vicente García Oliva.
1989: Asina somos nós, Miguel Rojo; L’aire les castañes, Vicente García Oliva; Miénteme: dime la verdá, Adolfo Camilo Díaz.

Años 90 (33)

1990: Tráficu de cuerpos, Xandru Fernández; El silenciu en fuga, Xandru Fernández; ¡Adiós Dvorak!, Nel Amaro; Na llende del condicional perfeutu, Xulio Viejo.
1991: Novela ensin títulu, Nel Amaro; L’Home que queria ser una estatua, Adolfo Camilo Díaz; Pul sendeiru la nueite, Roberto González-Quevedo.
1992: El cuartu negociu, Ismael María González Arias; Románticu, Milio Rodríguez Cueto; El paraísu blancu, Xulio Vixil.
1993: Histories d’un seductor (memories d’un babayu), Miguel Rojo; Blugás, Adolfo Camilo Díaz; Los párpagos de Buda, Santi F. Ochoa.
1994: El boleru de Xabel, Xabiero Cayarga; El club de los inocentes, Xandru Fernández; L’últimu del pelotón, Nel Amaro.
1995: Diariu de viaxe, Adolfo Camilo Díaz; ¡¡¡Falanxista!!!, Nel Amaro; Aparecíos en México, Boni Pérez; Como tu quieras, Horacio Serrano.
1996: Verdá o consecuencia, Ramón Lluis Bande; El nome de la cosa, Xavier Frías Conde.
1997: Díes de muncho, Antón García; Un sieglu de nós, Xosé María Vega; La llosa, Xosé Nel Caldevilla.
1998: La ciudá encarnada, Pablo Antón Marín Estrada; El vientre del círculu, Adolfo Camilo Díaz; Sencia, Xilberto Llano; Memoria, Quique Faes;
1999: El suañu de los páxaros de sable, Xandru Fernández; La Deva, Xosé María Vega; De la vida de les piedres, Ramón Lluis Bande.

Sieglu XXI (100)

Años 00 (59)

2000: Malena fecha de sol y de fresa , Quique Faes
2001: Güelu Ismail, Esther Prieto; Los homes de bronce, Xandru Fernández; L’arna de san atanás, Pablo Rodríguez Medina; Misión Pelayo, Xulio Arbesú; Siete vides: Memories d’un home sulu, Joaquín Fernándes; Los caminos ensin fin, Pablo Antón Marín Estrada.
2002: L’agobiante imperfección de les coses, Quique Faes; Hestoria universal de Paniceiros, Xuan Bello; Ente semeyances, Pablo Rodríguez Medina; Les vueltes, toles vueltes, Pablo Rodríguez Medina; Potestas, Xulio Arbesú; Un raposu en tresmonte, Xulio Arbesú; Los araxales de la vida, Xulio Viejo; Entós cuando ñevaba, Nel Amaro; Aire de Cuaresma, Rubén Arias; Tierra de Xigantes, Xosé Mª Vega;
2003: La boda del añu, Ismael María González Arias; Vía d’escape, Carme Martínez Pérez; Suañé Cabu Verde, Adolfo Camilo Díaz;
2004: Les ruines, Xandru Fernández; El tiempu de Manolo, Ismael María González Arias; No fondero de la alcordanza de dios, Xurde Álvarez; Abocaos, Berto Cobreros;
2005: Carretera ensin barru, Naciu Varillas; Parque temáticu, Xosé Nel Riesgo. El nuesu mar de los sargazos, Xandru Fernández; Los cuarteles de la Memoria, Xuan Bello; L’inmoral, Xulio Vixil; Tiempos de Nublina, Xosé Mª Rodríguez; Parte meteorolóxicu p’Arcadia y redolada, Martín López Vega; Dos estrelles nel firmamentu infinitu, Rubén Sánchez Antuña; Los falapios del xigante, Miguel Solís Santos;
2006: La banda sonora del paraísu, Xandru Ferández; Les pallabres que te mando, Ana Vanessa Gutiérrez; En busca Xovellanos, Ismael María González Arias; Trastes de bufarda, Xabiero Cayarga; La muerte de los árboles, Ramón Lluis Bande; Los fieles a Maalena, Henrique G. Facuriella; Imago, Adolfo Camilo Díaz.
2007: La boca puerca, Pablo Antón Marín Estrada; El camín de Dios, Naciu Varillas; El pisu d’enriba, Xulio Arbesú; Mediaos del 69, Ismael María González Arias; Escrito na ceniza, Xosé Nel Riesgo.
2008: El color del escaezu, Xurde Fernández y Marian García; La hestoria tapecida, Xuan Bello; La Cama, Ana Vanessa Gutiérrez; Na quinta estación, Carmen Gómez Ojea; Sol Reló, Nicolás Bardio; Ventiocho díes, Cristina Muñiz Martín; La Espera, Xurde Fernández; Khaos, Adolfo Camilo Díaz; Breve hestoria d’un gamusinu, Xosepe Vega
2009: La bufanda, David Artime Coto; Argonautes, José Ángel Gayol; La confesión xeneral, Xuan Bello; Advenimientu, Adolfo Camilo Díaz; Vivir ensin probalo, Pablo Rodríguez Medina.

Años 10 (41)

2010: Fontenebrosa II: La rebelión de los Homosaurios, Vicente García Oliva; Mientres cai la nueche, Pablo Antón Marín Estrada. La fiesta prau, Xaime Arias; Les puertes del paraísu, Ismael María González Arias; Intentu d’escritura, Xurde Fernández; Mael al debalu, Sidoro Villa Costales.
2011: Les ruines, Xandru Fernández; Eternu negociu, Xulio Arbesú; Sangre na braña, Roberto González-Quevedo; El sol negru de Wewelsburg, Xabiero Cayarga; Cuando ensamen les abeyes, Nicolás Bardio; La Bouba de La Tenerie, Francisco Niebro
2012: La vida increíble, Quique Faes; El príncipe derviche, Xandru Fernández; La nieve y otros complementos circunstanciales, Xuan Bello; Aeropuertu, Xurde Fernández y Marian García; Espankin, Adolfo Camilo Díaz; La Cueva de la Diosa, Arturo Somoano.
2013: Fame d´amor, Pablo Rodríguez Medina; La sienda del amigu feliz , Manuel García Menéndez.
2014: Si’l temblor niega’l fríu, Xurde Álvarez; Venti negrinos, Xosé Nel Riesgo;
2015: La vida de siempre, Vicente García Oliva; Crónica de la lluz y la solombra, Antón García.
2016: Lluvia d’agostu, Francisco Álvarez; A estaya, Sidoro Villa Costales; La Galhega”/ “A Galega, Faustino Antão.
2017: L’Arume, Adolfo Camilo Díaz; El valor del rei, Xulio Arbesú;
2018: Fabia, Nel Morán; La casa de Xuan Buelga, Gonzalo G. Barreñada; Incorrectos, David Artime Coto; El faru de Gram, Manuel García Menéndez; Como la muda al sol d’una llagartesa, Berta Piñán; La Mar, Adolfo Camilo Díaz;
2019: Na ciudá pantasma, Xulio Arbesú; Los crímenes de Pumarín, Roberto González-Quevedo; Memoria de Tuña, Antón García; El visitante impropiu, Manuel García Menéndez; Paecen esguiles, Paquita Suárez Coalla; Trés beyuscos, Sidoro Villa Costales; Invisible, Aique Fernandi

Colos datos que tien Refuelgu*, los años más bonos pa la novela asturiana foron 2008 con 7 noveles; 2005 con 9 noveles; hebo unos cuantos con 6 noveles. En rellación a los más probes, lóxicamente tán na década de los 80. Dende 1987 asoléyase n’asturies polo menos una novela n’asturianu al añu; ininterrumpidamente. Tocante a les temátiques, podemos observar que’l xéneru hestóricu ye’l más importante de toos, siguíu de cerca pola novela negra. Llama l’atención qu’hai xéneros que tán práuticamente desapaecíos nes nueses lletres mientres qu’otros tán bien representaos.

Tamién, pente la narrativa asturiana, llama l’atención la gran cantidá de volumes de relatos – qu’equí nun ponemos – y de otres narraciones (munches nesti llistáu) que nun son “stricto sensu” una novela “al usu”.

Les muyeres y la primera novela mirandesa.

Anque la primera novelista fore una muyer, namás atopamos a Enriqueta González Rubín, María Xosefa Canellada, Esther Prieto, Berta Piñán, Carme Martínez Pérez, Ana Vanessa Gutiérrez, Cristina Muñiz Martín y Carmen Gómez Ojea. Eso sí, anque seyan poques les muyeres, la so calidá ye bien grande; pos de les 7 contemporánies dos ganaron el Xosefa Xovellanos, el gallardón más prestixosu de la novela asturiana.

Otra novela importante no simbólico ye La Bouba de La Tenerie, de Francisco Niebro. Esta novela histórica de 2011 qu’afonda na dómina de la inquisición tien la particularidá de ser la primera* novela na nuesa llingua que s’asoleya fuera d’Asturies y d’España, nes tierres de Miranda L Douro.

*Atropar los datos de les publicaciones ye una xera abegosa. L’accesu a rexistros y biblioteques ye difícil en tiempos de cuarentena y les informaciones que tien Refuelgu, a pesar de les munches investigaciones que se fixeron son incompletes y sabémoslo. Agradecemos cualquier collaboración y ayuda en facer qu’esta llista recueya la totalidá de les noveles n’asturianu asoleyaes.

**Asoleyóse depués, pero escribióse nesti añu; polo estremáu de los demás llibros que s’asoleyaron cuando él, paeznos interesante resaltalo.

2 comentarios

  1. Guapu’l llistáu. Dame un pocuñín de cosa, pero magar que seya curtia, entá considero’l mio Invisible una novela. Aceuto opiniones, nun sé si la escaecísteis o la consideráis poca cosa.

Leave a Reply

La to direición de corréu nun va espublizase. Los campos riquíos márquense con *