En namás dos selmanes, el ventiocho de febreru, llega a España la canal nueva de streaming SkyShowtime, con drechos sobre los productos d’abondes productores: Universal, Paramount Pictures y Paramount +, Sky, Showtime, Nickelodeon, Peacock y HBO Max Europa. Asina, espérase que seya’l llar de sagues como Jurassic Park, Star Trek, Transformers, Despicable Me, Shrek, Mission Impossible, Top Gun, Fast & Furious, Paranormal Activity o Halo, con un envís esplícitu de ver cuáles de les sos propiedaes puen esplotase como franquicies. De momentu hai proyeutos en marcha más bien modestos, como son una “precuela” de Grease o un remake de Fatal Attraction dándo-y una vuelta feminista, pero como podéis ver nun ye que seyan poques les posibilidaes.
Como ufierta especial, la canal presenta la posibilidá de que los que se soscriban los primeros díes van tener pa siempre un 50% de descuentu, pagando 2,99 euros en cuenta de 5,99.
¿Qué pensáis? ¿Va consiguir facese un güequín nel yá competitivu mercáu de streaming? ¿Ye, pol enfadu con Netflix, el meyor o’l peor momentu pa entra-y a la xente? Pronto vamos sabelo, pero de momentu dexámosvos cola páxina de la canal, por si queréis saber más. Tenéisla calcando equí.
