Tres de les crítiques a la película de 2016, Warner encargó a James Gunn (Guardians of the Galaxy) facer otra cosa distinta con Suicide Squad, l’equipu de supervillanos de DC a los que prometen amenorgar la conderga empara cumplir misiones secretes pal gobiernu norteamericanu. Col estilu que lu carauteriza, Gunn fizo una película enforma más gamberra, introduciendo personaxes poco conocíos y dando una visión mui personal d’ellos.
Ún d’estos foi’l llamáu Pacificador, un personaxe sacáu del fondo’l bagul de DC, violentu y intervencionista militar (nun principiu ensin ironía) y del que’l mayor méritu fora inspirar a Moore y Gibbons a crear al Comediante del famosu Watchmen. Pal papel escoyeron al campeón de llucha llibre John Cena, qu’últimamente ta teniendo munchu ésitu en papeles cómicos, punxéron-y un traxe tan calcáu al de los cómics que forma risa y diéron-y un calter bien caricaturizáu: “Quiero la paz con toles veres de l’alma” diz, “y nun me da más cuántos homes, muyeres y ñeños he matar pa consiguila”. Conque, cuando anunciaron una serie de televisión del personaxe, asina de mano, abultaba que nun diba dir muncho más allá de consistir nuna riestra de chancies y babayaes.
Ún d’estos foi’l llamáu Pacificador, un personaxe sacáu del fondo’l bagul de DC, violentu y intervencionista militar (nun principiu ensin ironía) y del que’l mayor méritu fora inspirar a Moore y Gibbons a crear al Comediante del famosu Watchmen. Pal papel escoyeron al campeón de llucha llibre John Cena, qu’últimamente ta teniendo munchu ésitu en papeles cómicos, punxéron-y un traxe tan calcáu al de los cómics que forma risa y diéron-y un calter bien caricaturizáu: “Quiero la paz con toles veres de l’alma” diz, “y nun me da más cuántos homes, muyeres y ñeños he matar pa consiguila”. Conque, cuando anunciaron una serie de televisión del personaxe, asina de mano, abultaba que nun diba dir muncho más allá de consistir nuna riestra de chancies y babayaes.
Por embargu, alcontramos una serie que, masque tien bien de comedia, esto nun quita qu’afonden nos personaxes y los muestren más complexos d’a lo que tamos avezaos en productos d’esti tipu. Basándose nes películes d’héroes foscos de los ochenta, pero faciendo chocar esti calter políticamente incorreutu del protagonista coles sensibilidaes del sieglu XXI, la serie ye a construyir una dinámica na que’l desendolcu de la trama importa tanto como les rellaciones ente los personaxes. Como en Guardians of the Galaxy, Gunn pon una atención especial na banda sonora, y xunce la seleición de cantares (nesti casu, sobre manera hard rock y glam metal) a daqué biográfico del personaxe y que lu fai ser como ye.
A toes estes, olvidaba contar de qué va. Tres los socesos de la película (anque nun pasa nada si nun la veis) Pacificador alica n’hespital. Darréu, llevántalu un equipu secretu del gobiernu col envís de matar “caparines”, unos seres de los que nos van desvelar adulces qué son exautamente. Pa ello va contar cola ayuda d’otros axentes, caún colos sos problemes, del so amigu y tamién xusticieru Vixilante (tovía menos repunante colo de cargase xente) y de los cascos inventaos pol pá ultraderechista. Paezme meyor nun contar más, porque hai unos cuantos spoilers y nun quiero meteme pehí.
Bono, una cosa más sí voi dicir. Tien la que yá, según munchos ente los que m’incluyo, ye la meyor abertura de serie nunca enxamás creada. Ye bien llarga, pero toi ciertu de que nun vas pasala en nengún de los episodios. Y seguramente vas baillar.
