La desigualdá ente homes y muyeres nin ye esclusiva d’Asturies nin ye n’Asturies onde más estrema ye; pero que nun seya’l peor llugar del mundu pa la igualdá ente homes y muyeres nun quita pa que tovía quede munchu camín que facer. Agora qu’entama’l branu y, con él y polo xeneral, la cantidá de tiempu llibre que tenemos pa pensar y discurrir; en Refuelgu! queremos dedicar el mes d’agostu a les escritores, empresaries, traductores, músiques y, en xeneral, activistes de la cultura asturiana pa falar de lo que faen y, tamién, d’esti gran problema estructural que ye la igualdá ente homes y muyeres.

Nestes páxines vamos a entrugar a unes cuantes muyeres asturianes que tienen en común cuatro coses: son muyeres, son asturianes, son menores de 40 años y tán faciendo munchísimes coses pola nuesa cultura.

Si queréis face-yos llegar dalguna entruga, podéis contactanos en redaicion@refuelgu.com

Leave a Reply

La to direición de corréu nun va espublizase.