La empresa asturiana “Meca y eso!” ta acabante de presentar el que ta a piques de convertise nel segundu xuegu de mesa fechu n’Asturies, depués de qu’Acuto Xuegos presentare va unos meses el crowdfunding pal so xuegu d’entrugues y respuestes”¿Cuála ye?”.
“Me la Juego” trátase d’un xuegu de mesa del estilu “party & co” nel que los xugadores van tener que facer pruebes de toa triba como beber d’un basu con una cuyar, falar per teléfonu cola zapatiella a lo “Superaxente 86” o otres pruebes imaxinatives de lo más variao que busquen siempre un mesmu oxetivu: más allá de ganar o perder, echar unes rises ente collacios xunto a él.
El diseñu de “Me la Juego” ye tamién innovador. La propia caxa del xuegu ye’l tableru, pos ta fecha con elementos reciblables que se reordenen y s’encaxen como un puzzle pa configurar l’espaciu nel que se xuega. Amás, el xuegu vien con dados y otros elementos necesarios pa poder xugalu. Pel momentu aínda nun se pue mercar nin se sabe entá’l preciu final que tien, pero sí que yá hai una serie de xuegos en mou protitivu a la venta na so web. ¿Cuándo vamos ver la versión oficial y definitiva d’esti xuegu tan prestosu? Acordies colos creadores, a lo llargo d’esti mes de febreru. Llamentablemente, el xuegu namás va tar disponible en castellán.
