Zephyrum Ediciones coedita con Trilita Ediciones l’album “La Islla Prieta” de la coleición Les Aventures de Tintín n’asturianu y n’otres llingües de la península. Trátase del album “La Islla Prieta”, que ye una reedición d’ún de los pocos álbumes de Tintín que s’asoleyaron el sieglu pasáu. Esti album súmase a los otros dos qu’asoleyó ya Zephyrum: Oxetivu: La Lluna y Pasiando pela lluna.
En La Islla Prieta Tintín y Milú viaxen a Escocia pa enfrentase, como nuna novela policiaca, a una banda de falsificadores, al doctor Müller – espía alemán infiltráu – y al terroríficu y a la vez tienru gorila Bracu, que fai pensar en King Kong.
L’asturianu suena na “Tintinteca”
Otra de les novedaes de la editorial ye’l llanzamientu de la denomada Tintinteca, una fonoteca de Tintín que permite sentir delles páxines grabaes en cada llingua o variedá llingüística. Nel casu del asturianu son la traductora y el correutor los encargaos de lleela y puedes sentir calcando equí.
