Va poco que, como parte del anovamientu de la páxina nel que tamos trabayando, en Refuelgu comencemos col llabor de sotitular avances de les películes de xéneru más esperaes. Superhéroes, ciencia-ficción, fantasía, horror… De momentu nun podemos esfrutar d’estes películes n’asturianu, pero qué menos que poder ver los avances na nuesa llingua. Agora, pa facilitar l’accesu a ellos, estrenamos una canal de YouTube na que vamos dir xubiendo estos, y nel futuru próximu tamién otros conteníos, arriendes de nes redes sociales.


Asina, a los avances yá sotitulaos de Wakanda Forever y Halloween Ends, agora amestamos l’acabante salir del fornu y tantos años esperada continuación d’Avatar, Avatar: The Way of Water.


Pa velu y pa nun perdete nenguna d’estes novedaes que vienen, sigui la nuesa canal calcando equí.

Leave a Reply

La to direición de corréu nun va espublizase. Los campos riquíos márquense con *