La desendolcadora de videoxuegos gallega, Aruma Studios, trainos una aventura gráfica de les más clásiques, de les de point and click de les de tola vida, inclusive na estética pixelada que recuerda muncho a les de Sierra y LucasArts. Y, otra cosa que pue facer especial gracia, va tar ambientada nel Madrid de los años sesenta.
Nesat manexamos una muyer que diba pa policía pero, desafortunadamente, muerre, y va tener de facese a la vida de pantasma, a poseyer persones, viaxar ente dimensiones y esi tipu de coses mientres sigue investigando. La productora Silvia Izquierdo diz que “volquiémonos na creación d’un mundu inquietante y fermosu, con un pixel art ellaboráu curioso y una banda sonora escalofriante”, mientres que Rubén López, guionista del videoxuegu, comenta que “ye mui emocionante convidar a los xugadores a esti viaxe sobrenatural, onde van desafialos los sos mieos y van tener de tomar decisiones difíciles sobre’l so destín”.
El videoxuegu va tar disponible en dalgún momentu de 2024 (nun tien fecha fixa tovía) pa Windows, Linux, Mac y Nintendo Switch. Dexámosvos l’avance calcando equí.