Espadas de la Hermandad Roja (Piratas, corsarios y filibusteros) ye’l nome que la editorial asturiana va poner a una recopilación en castellanu de cuatro rellatos y cuatro poemes de Robert E. Howard, y que tienen como filu ente ellos la temática: ¡pirates! Y ye que Howard, anque conocíu sobre manera por ser el creador de Conan, cultivó munchos más xéneros que la espada y bruxería, como son la capa y espada, l’horror, el policiacu y hasta’l de boxeadores. Y claro, cómo-y prestaba muncho La Islla’l Tesoru, nun podía tampoco faltar esti.
Dende la editorial describen les hestories recopilaes como “de sobrevivencia nun mundu que nun da aliendu”, y que “en ritmu, ambientación y atmósfera, nada tienen qu’envidiar a les sos creaciones más famoses”. La llista de rellatos y poemes que va contener el llibru ye la siguiente:
- Mares negros (poema)
- La llama azul de la venganza (rellatu)
- Habla un bucanero (poema)
- La isla de la perdición de los piratas (rellatu)
- Un pirata moribundo habla del tesoro (poema)
- Espadas de la Hermandad Roja (rellatu)
- La muerte de Flint (poema)
- La venganza de Vulmea el Negro (rellatu)
La recopilación, traducida por Rodolfo Martínez (como la mayor parte de la inmensa cantidá d’obres de Howard espublizaes pola editorial) y con portada de Libertad Delgado, va salir n’ochobre d’esti mesmu añu. Si queréis saber más sobre la obra o la editorial, dexámosvos l’enllaz calcando equí.
